________________ ठाणं ठा. 3 उ. 4 235 सीओदाए महाणईए दाहिणेणं तओ अंतरणईओ प० तं० खीरोदा, सीहसोया, अंतोवाहिणी / जंबूमंदरस्स पञ्चत्थिमेणं सीओदाए महाणईए उत्तरेणं तओ अंतरणईओ प . तं० उम्मिमालिणी, फेणमालिणी, गंभीरमालिणी / एवं धायइखंडे दीवे पुरत्थिमद्धेवि अकम्मभूमीओ आढवेत्ता जाव अंतरणईओत्ति, णिरवसेसं भाणियव्वं जाव पुक्खरवरदीवड्डपच्चत्थिमद्धे तहेव शिरवसेसं भाणियव्वं / / 98 // तिहिं ठाणेहिं देसे पुढवीए चलेज्जा तंजहा-अहेणमिमीसे रयणप्पभाए पुढवीए उराला पोग्गला णिवतेज्जा, तएणं ते उराला पोग्गला णिवयमाणा देसं पुढवीए चलेजा, महोरए वा महिड्डिाए जाव महेसक्खे इमीसे रयणप्पभाए पुढवीए अहे उम्मन्जणिमज्जियं करेमाणे देसं पुढवीए चलेजा, णागसुवण्णाण वा संगामंसि वट्टमाणंसि देसं पुढवीए चलेजा,इचेए हिं० / तिहिं ठाणेहिं केवलकप्पा पुढवी चलेज्जा तं० अहेणं इमीसे रयणप्पभाए पुढवीए घणवाए गुप्पेज्जा, तर णं से घणवाए गुविए समाणे घणोदहिमेएजा, तएणं से घणोदही एइए समाणे केवलकप्पं पुढविं चालेज्जा, देवे वा महिड्डिए जाव महेसक्खे तहारूवस्स समणस्स माणस्स वा इडिं जुइं जसं बलं वीरियं पुरिसक्कारपरक्कम उवदंसेमाणे केवलकप्पं पुढविं चालेजा, देवासुरसंगामंसि वा वट्टमाणंसि केवलकप्पा पुढवी चलेजा, इच्चेए हिं तिहिं० // 99 / / तिविहा देवा किब्धिसिया प० तं० तिपलिओवमट्टिईया, तिसागरोवमट्टिईया, तेरससागरोवमट्टिईया / कहि णं भंते ! तिपलिओवमट्टिईया देवा किब्बिसिया परिवसंति ? उप्पिं जोइसियाणं हिडिं सोहम्मीसाणेसु कप्पेसु एत्थणं तिपलि. ओवमट्टिईया देवा किब्बिसिया परिवसंति / कहि णं भंते ! तिसागरोवमट्टिईया देवा किब्बिसिया परिवसंति ? उप्पिं सोहम्मीसाणाणं कप्पाणं, हेहिँ सणंकुमारमाहिं देसु कप्पेसु एत्थ णं तिसागरोवमढिईया देवा किब्बिसिया परिवति / कहि णं भंते! तेरससागरोवमट्टिईया देवा किब्बिसिया परिवसंति ? उप्पिं बंभलोयस्स कप्पस्स हिहिं लंतगे कप्पे एत्थ णं तेरससागरोवमट्ठिईया देवा किब्बिसिया परिवसंति / / 100 // सक्कस्स णं देविंदस्स देवरण्णो बाहिरपरिसाए देवाणं तिण्णिपलिओवमाई ठिई प०-सक्कस्स णं देविंदस्स देवरण्णो अभितरपरिसाए देवीणं तिण्णिपलिओवमाई ठिई प० / ईसाणस्सणं देविंदस्स देवरण्णो बाहिरपरिसाए देवीणं तिणिपलिओवमाई ठिई प० // 101 // तिविहे पायच्छित्ते प० तं० णाणपाय
