________________ 234 अंग-पविट्ठ सुत्ताणि // 93 // तिविहा पण्णवणा प तं० णाणपण्णवणा, दंसणपण्णवणा, चरित्तपण्णवणा। तिविहे सम्मे प० त० णाणसम्मे, दसणसम्मे, चरित्तसम्मे // 94 || तिविहे उवघाए प० तं० उग्गमोवघाए, उप्पायगोवघाए, एसणोवघाए, एवं विसोही // 95 / / तिविहा आराहणा प० त० णाणाराहणा, दंसणाराहणा, चरित्ताराहणा / णाणाराहणा तिविहा प० तं० उक्कोसा, मज्झिमा, जहण्णा, एवं दसणाराहणावि, चरित्ताराहणावि / तिविहे संकिलेसे प० तं० णाणसंकिलेसे, दंसणसंकिलेसे, चरित्तसंकिलेसे, एवं असंकिलेसे वि एवं अइक्कमे वि, वइक्कमे वि, अइयारे वि, अणायारे वि। तिण्हमइक्कमाणं आलोए ज्जा, पडिक्कमेज्जा णिंदेजा, गरहिज्जा, जाव पडिवजिज्जा, तं० णाणाइक्कमस्स दंसणाइक्कमस्स, चरित्ताइक्कमस्स,एवं वइक्कमाणं, अइयाराणं, अणायाराणं // 96 // तिविहे पायच्छित्ते प० तं० आलोयणारिहे, पडिक्कमणारिहे, तदुभयरिहे // 97 // जंबुद्दीवे दीवे मंदरस्स पव्वयस्स दाहिणेणं तओ अकम्मभूमीओ प० तं० हेमवए हरिवासे देवकुरा / जंबुद्दीवे दीवे मंदरस्स पव्वयस्स उत्तरेणं तओ अकम्मभूमीओ प० तं. उत्तरकुरा, रम्मगवासे, एरण्णवए। जंबुद्दीवे दीवे मंदरपव्वयस्स दाहिणेणं तओ वासा प० तं० भरहे, हेमवए, हरिवासे / जंबूमंदरस्स उत्तरेणं तओ वासा प० तं० रम्मगवासे, हेरण्णवए, एरवए / जंबूमंदरस्स दाहिणेणं तओ वासहरपव्वया प० तं० चुल्लहिमवंते, महाहिमवंते, णिसढे / जंबूमंदरस्स उत्तरेणं तओ वासहरपव्वया प० तं० णीलवंते, रुप्पी, सिहरी / जंबूमंदरस्स दाहिणेणं तओ महादहा प० तं० पउमहहे, महांपउमद्दहे, तिगिच्छिद्दहे, तत्थ णं तओ देवयाओ महि ड्डियाओ जाव पलिओवमट्टिईयाओ परिवसंति तं. सिरि, हिरी, धिई / एवं उत्तरेण वि, णवरं केसरिहहे, महापोंडरीयहहे, पोंड. रीयद्दहे, देवयाओ कित्ती, बुद्धी, लच्छी / जंबूमंदरस्स दाहिणेणं चुल्ल हिमवंताओ वासहरपव्वयाओ पउमदहाओ महादहाओ तओ महाणईओ पवहति तं० गंगा सिंधू रोहियंसा। जंबूमंदरस्स उत्तरेणं सिहरीओ वासहरपन्वयाओ पोंडरीयदहाओ महाहहाओ तओ महाणईओ पवहंति तं० सुवण्णकूला रत्ता रत्तवई / जंबूमंदरस्स पुरस्थिमेणं सीयाए महाणईए उत्तरेणं तओ अंतरणईओ प० तं० गाहावई, दहवई, पंकवई / जंबूमंदरस्स पुरथिमेणं सीयाए महाणईए दाहिणेणं तओ अंतरणईओ प० त० तत्तजला, मत्तजला, उम्मत्तजला। जंबूमंदरस्स पञ्चत्थिमेणं
