________________ ठाणं ठा. 3 उ. 4 प० तं० अणंतरसमुदाणकिरिया, परंपरसमुदाणकिरिया तदुभयसमुदाणकिरिया / अण्णाणकिरिया तिविहा प० तं० मइअण्णाणकिरिया, सुयअण्णाणकिरिया, विभंगअण्णाणकिारया। अविणए तिविहे प० तं० देसच्चाई, णिरालंबणया, णाणापेज्जदोसे / अण्णाणे तिविहे प० तं० देसअण्णाणे, सव्वअण्णाणे, भावअण्णाणे / / 87 / / तिविहे धम्मे प० तं० सुयधम्मे, चरित्तधम्मे, अत्थिकायधम्मे / तिविहे उवक्कमे प० तं० धम्मिए उवक्कमे, अहम्मिए उवक्कमे, धम्मियाधम्मिए उवक्कमे / अहवा तिविहे उवक्कमे प० तं० आओवकमे, परोक्कमे, तदुभयोवक्कमे, एवं वेयाबच्चे, अणुग्गहे, अणुसिठि, उवालंभे, एवमिकेके तिण्णि 2 आलावगा जहेव उवक्कमे ॥८८॥तिविहा कहा प० तं० अत्थकहा, धम्मकहा, कामकहा। तिविहे विणिच्छए प० तं. अत्थविणिच्छए धम्मविणिच्छए कामविणिच्छए // 89 // तहारूवं णं भंते ! समणं वा माहणं वा पज्जुवासमागस्स किं फला पज्जुवासणया ? सवणफला, से णं भंते ! सवणे किं फले ? णाणफले, से णं भंते ! णाणे किं फले ? विण्णाण फले, एवमेएणं अभिलावेणं इमा गाहा अणुगंतव्वा-"सवंणे णाणे य विण्णाणे, पञ्चक्खाणे य संजमे / अणहए तवे चेव, वोदाणे अकिरिय णिव्वाणे (1) जाव से णं भंते ! अकिरिया किं फला ? णिव्वाणफला, से णं भंते ! शिव्वाणे किं फले ? सिद्धिगइगमणपज्जवसाणफले पण्णत्ते समणाउसो ! // 9 // तइयं ठाणं चउत्थो उद्देसो पडिमापडिवण्णस्स णं अणगारस्स कप्पंति तओ उबस्सया पडिलेहित्तए तं०अहे. आगमणगिहंसि वा, अहे वियडगिहंसि वा, अहे रुक्खमूलगिहंसि वा, एवमणुण्णवेत्तए, उवाइणित्तए / पडिमाप डिवण्णस्स णं अणगारस्स कप्पंति तओ संथारगा पडिलेहित्तए तं० पुढवीसिला, कट्ठसिला, अहासंथडमेव, एवममुण्णवित्तए उवाइणित्तए // 91 / / तिविहे काले प० तं० तीए पडुप्पण्णे अणागए / तिविहे समए प० तं. तीए, पडुप्पण्णे, अणागए, एवं आवलिया, आणापाणू , थोवे लवे मुहुत्ते अहोरत्ते, जाव वाससयसहस्से पुव्वंगे, पुव्वे, जाव ओसप्पिणी / तिविहे पोग्गलपरियट्टे प० त० तीए पडुप्पण्णे अणागए / 92 // तिविहे वयणे प० तं०-एगवयणे, दुवयणे, बहुवयणे / अहवा तिविहे वयणे प० तं० इत्थिवयणे, पुंवयणे, णपुंसगवयणे / अहवा तिविहे वयणे प० तं० तीयवयणे, पडुप्पण्णवयणे, अणागयवयणे
