________________ 232 अंग-पविट्ठ सुत्ताणि // 77 // तओ सल्ला प० तं० मायासल्ले णियाणसल्ले मिच्छादसणसल्ले / / 78 // तिहिं ठाणेहिं समणे णिग्गंथे संखित्तविउलतेउलेस्से भवइ तं० आयावणयाए खंतिखमाए अपाणगेणं तवोकम्मेणं // 79 // तिमासियं णं भिक्खुपडिमं पडि. वण्णस्स अणगारस्स कप्पंति तओ दत्तीओ भोअणस्स पडिगाहित्तए तओ पाणगस्स। एगराइयं भिक्खुपडिमं सम्ममणणुपालेमाणस्स अणगारस्स इमे तओ ठाणा अहियाए असुभाए अखमाए अणिस्सेयसाए अणाणुगामियत्ताए भवंति तं० उम्मायं वा लभेजा, दीहकालियं वा रोयायंकं पाउणेज्जा, केवलिपण्णत्ताओ धम्माओ भंसेज्जा / एगराइयं भिक्खुपडिमं सम्ममणुपालेमाणस्स अणगारस्स तओ ठाणा हियाए सुभाए खमाए णिस्सेस्साए आणुगामियत्ताए भवंति तं० ओहिणाणे वा से समुप्प. ज्जेज्जा मणपज्जवणाणे वा से समुप्पज्जेज्जा, केवलणाणे वा से समुप्पज्जेज्जा / / 80 // जंबुद्दीवे दीवे तओ कम्मभूमीओ प० तं० भरहे, एरवए, महाविदेहे / एवं धायइ. खंडे दीवे पुरथिमद्धे जाव पुक्खर-वर-दीवड्ड-पच्चत्थिमद्धे // 81 / / तिविहे दंसणे प० तं० सम्महंसणे, मिच्छईसणे, सम्ममिच्छईसणे / तिविहा रुई प० त० सम्मरुई, मिच्छरुई, सम्ममिच्छरुई / तिविहे पओगे प० तं० सम्मप्पओगे, मिच्छप्पओगे, सम्ममिच्छप्पओगे // 82 // तिविहे ववसाए, प० तं० धम्मिए ववसाए अहम्मिए ववसाए, धम्मियाधम्मिए ववसाए। अहवा तिविहे ववसाए, प० तं० पच्चक्खे, पच्चइए, आणुगामिए। अहवा तिविहे ववसाए प० तं० इहलोइए, परलोइए, इहलोइयपरलोइए / इहलोइए ववसाए तिविहे प० तं० लोइए बेइए सामइए / लोइए ववसाए तिविहे प० तं० अत्थे धम्मे कामे। वेइए ववसाए तिविहे प० तं० रिउव्वेए जउव्वेए सामवेए / सामइए ववसाए तिविहे प० तं० णाणे दंसणे चरित्ते // 83 / / तिविहा अत्थजोणी प० तं० सामे दंडे भेए / / 84 // तिविहा पोग्गला प. तं० पओगपरिणया, मीसापरिणया, वीससापरिणया // 85 // तिपइट्ठिया गरगा प० तं. पुढवीपइट्ठिया आगासपइट्ठिया आयपइट्ठिया / णेगमसंगहववहाराणं पुढवीपइट्ठिया, उज्जुसुयस्स आगासपइडिया तिण्हं सद्दणयाणं आयपइट्ठिया / / 86 / / तिविहे मिच्छत्ते प० तं० अकिरिया अविणए अण्णाणे / अकिरिया तिविंहा प० तं० पओगकिरिया, समुदाणकिरिया अण्णाणकिरिया, पओगकिरिया तिविहा प० तं० मणपओगकिरिया वइपओगकिरिया कायपओगकिरिया / समुदाणकिरिया तिविहा
