________________ ठाणं ठा. 3 उ. 3 231 भविस्सइ / अहो णं मए माउओयं पिउसुकं तं तदुभयसंसिटुं तप्पढमयाए आहारो आहारेयन्वो भविस्सई / अहो णं मए कलमलजंबालाए असुईए उव्वेयणियाए भीमाए गब्भवसहीए वसियव्वं भविस्सइ / इच्चेए हिं तिहिं ठाणेहिं 0 // 71 // तिसंठिया विमाणा प. तं० वट्टा तंसा चउरंसा / तत्थ णं जे ते वट्टविमाणा ते णं पुक्वरकण्णिया संठाणसंठिया सव्वओ समंता पागारपरिक्खित्ता एगदुवारा प० / तत्थ णं जे ते तसविमाणा ते सिंघाडगसंठाणसंठिया दुहओ पागारपरिक्खित्ता एगओ वेइया परिक्खित्ता तिदुवारा प० / तत्थ णं जे ते चउरंसविमाणा ते णं अक्खाडगसंठाणसंठिया सव्वओ समंता वेइया परिक्खित्ता चउदुवारा प० / तिपइद्रिया विमाणा प० तं० घणोदहिपइट्ठिया, घणवायपइट्ठिया, उवासंतरपइट्ठिया / तिविहा विमाणा प०. तं. अवट्ठिया वेउव्विया परिजाणिया // 72 // तिविहा णेरइया प० त० सम्मादिट्ठी मिच्छादिट्ठी सम्मामिच्छादिट्ठी, एवं विगलिंदियवजं जाव वेमाणियाणं / तओ दुग्गईओ पण्णत्ताओ तं० णेरइयदुग्गई, तिरिक्खजोणियदुग्गई मणुयदुग्गई / तओ सुगईओ प० त० सिद्धिसोग्गई देवसोग्गई मणुस्ससोग्गई / तओ दुग्गया प० त० णेरइयदुग्गया तिरिक्खजोणियदुग्गया, मणुस्सदुग्गया / तओ सुगया प० तं० सिद्धसुगया देवसुगया मणुस्ससुगया // 73 / / च उत्थभत्तियस्स णं भिक्खुस्स कप्पंति तओ पाणगाइं पडिगाहित्तए तं० उस्सेइमे संसेइमे चाउलधोवणे / छट्ठभत्तियस्स णं भिक्खुस्स कप्पंति तओ पाणगाई पडिगाहित्तए, तंजहा-तिलोदए तुसोदए जवोदए / अट्ठमभत्तियस्स णं भिक्खुस्स कप्पंति तओ पाणगाई पडिगाहित्तए तंजहा-आयामए सोवीरए सुद्धवियडे / / 74 // तिविहे उवहडे प० तं० फलीओवहडे सुद्धोवहडे संसट्ठोवहडे / तिविहे ओग्गहिए प० तं० जं च ओगिण्हइ जं च साहरइ जं च आसगंसि पक्खिवइ / / 75 / / तिविहा ओमोयरिया प० तं० उवगरणोमोयरिया, भत्तपाणोमोयरिया, भावोमोयरिया / उवगरणोमोयरिया तिविहा प० तं० एगे वत्थे, एगे पाए चियत्तोवहिसाइज्जणया // 76 // तओ ठाणा णिग्गंथाणं वा णिग्गंथीणं वा अहियाए असुहाए अक्खमाए अणिस्सेयसाए अणाणुगामियत्ताए भवंति तं० कुअणया, कक्करणया अवज्झाणया / तओ ठाणा णिग्गंथाणं वा णिग्गंथीणं वा हियाए सुहाए खमाए णिस्सेयसाए आणुगामियत्ताए भवंति, तं० अकूअणया अकक्करणया अणवज्झाणया
