________________ 230 अंग-पविट्ठ सुत्ताणि संजुत्ता भवंति इच्चेएहिं तिहिं ठाणेहिं अहुणोववण्णे देवे देवलोएसु इच्छेजा माणुस्स लोगं हव्वमागच्छित्तए णो चेव णं संचाएइ हव्वमागच्छित्तए / तिहि ठाणेहि अहुणोववण्णे देवे देवलोएसु इच्छेज्जा माणुस्सलोगं हवमागच्छित्तए संचाएइ हव्वमागच्छित्तए तं० अहुणोबवण्णे देवे देवलोएसु दिव्वेसु कामभोगेसु अमुच्छिए अगिद्धे अगढिए अणज्झोववण्णे तस्स णं एवं भवइ अत्थि णं मम माणुस्सए भवे आयरिएइ वा, उवज्झाएइ वा पवत्तेइ वा थेरेइ वा गणीइ वा गणहरेइ वा गणावच्छेएइ वा जेसिं पभावेणं मए इमा एया रूवा दिव्या देविड्डी दिव्वा देवजुई दिव्वे देवाणुभावे लद्धे पत्ते अभिसमण्णागए तं गच्छामि णं ते भगवंते वंदामि णमंसामि सक्कारेमि सम्माणेमि कल्लाणं मंगलं देवयं चेइयं पज्जुवासामि / अहुणोववण्णे देवे देवलोएसु दिव्वेसु कामभोगेसु अमुच्छिए जाव अणज्झोववण्णे तस्स णं एवं भवइ, एस णं माणुस्सए भवे णाणीइ वा, तबस्सीइ वा, अइदुक्कर-दुक्करकारगे तं गच्छामि णं भगवंतं वंदामि णमंसामि जाव पज्जुवासामि अहुणोववण्णे देवे देवलोएसु जाव अणज्झोववण्णे तस्स णं एवं भवइ अत्थि णं मम माणुस्सए भवे मायाइ वा जाव सुण्हाइ वा तं गच्छामि णं तेसिमंतिय पाउन्भवामि, पासंतु ता मे इमं एयारूवं दिव्वं देविडि, दिव्यं देवजुइं दिव्वं देवाणुभावं लद्धं पत्तं अभिसमण्णागयं, इच्चेए हिं तिहिं ठाणेहिं अहुणोववण्णे देवे देवलोएसु इच्छेज्जा माणुसं लोगं हव्वमागच्छित्तए संचाएइ हव्वमागच्छित्तए / 68 // तओ ठाणाई देवे पीहेजा तं० माणुस्सगं भवं, आरिए खेत्ते जम्मं, सुकुलपञ्चायाई // 69 // तिहिं ठाणेहिं देवे परितप्पेज्जा तं० अहो णं मए संते बले संते वीरिए संते पुरिसक्कारपरक्कमे खेमंसि सुभिक्खंसि आयरियउवज्झाएहिं विजमाणेहिं कल्लसरीरेणं णो बहुए सुए अहीए अहो णं मए इहलोगपडिबद्धेणं परलोगपरंमुहेणं विसयतिसिएणं णो दीहे सामण्णपरियाए अणुपालिए / अहो णं मए इडिरससायगरुएणं भोगामिसगिद्धेणं णो विसुद्धे चरित्ते फासिए इच्चेएहिं० // 70 // तिहिं ठाणेहिं देवे चइस्सामीत्ति जाणइ, तं० विमाणाभरणाई णिप्पभाई पासित्ता, कप्परुक्खगं मिलायमाणं पासित्ता अप्पणो तेयलेस्सं परिहायमाणिं जाणित्ता इच्चेए हिं० / तिहिं ठाणेहिं देवे उव्वेगमागच्छेज्जा तं०-अहो णं मए इमाओ ए यारूवाओ दिव्वाओ देविडिओ दिव्वाओ देवजुईओ, दिव्वाओ देवाणुभावाओ लद्धाओ पत्ताओ अभिसमण्णागयाओ चइयव्वं
