________________ ठाणं ठा. 3 उ. 3 229 पडिचोयणाए पडिचोएत्ता भवइ तुसिणीए वा सिया उद्वित्ता वा आयाए एगंतमंतमवक्कमेजा // 62 // णिग्गंथस्स णं गिलायमाणस्स कप्पंति तओ वियडदत्तीओ पडिगाहित्तए तं० उक्कोसा मज्झिमा जहण्णा // 63 // तिहिं ठाणेहि समणे णिग्गंथे साहम्मियं संभोइयं विसंभोइयं करेमाणे णाइक्कमइ, तं० सयं वा दटुं सड्डस्स वा णिसम्म तचं मोसं आउट्टइ चउत्थं णो आउट्टइ / / 64 / / तिविहा अणुण्णा प० तं० आयरियत्ताए उवज्झायत्ताए गणित्ताए। तिविहा समणुण्णा प० तं० आयरियत्ताए उवज्झायत्ताए गणित्ताए,एवं उवसंपया एवं विजहण्णा॥६५॥तिविहे वयणे प० तं० तव्वयणे तदण्णवयणे णो अवयणे / तिविहे अवयणे प० तं० णो तव्वयणे णो तदण्णवयणे अवयणे / तिविहे मणे प० तं. तम्मणे तयण्णमणे णो अमणे / तिविहे अमणे जो तंमणे णो तयण्णमणे अमणे // 66 // तिहिं ठाणेहिं अप्पवुट्टिकाए सिया तं० तस्सि च णं देसंसि वा पएससि वा णो बहवे उदगजोणिया जीवा य पोग्गला य उदगत्ताए वक्कमति विउक्कमति चयंति उववजंति, देवाणागा जक्खा भूया णो सम्ममाराहिता भवंति तत्थ समुट्ठियं उदगपोग्गलं परिणयं वासिउकामं अण्णं देसं साहरंति अब्भवद्दलगं च णं समुट्ठियं परिणयं वासिउकामं वाउकाए विहुणेइ, इच्चेएहिं तिहिं ठाणेहिं अप्पबुटिकाए सिया / तिहिं ठाणेहिं महावुट्टिकाए सिया तं० तंसि च णं देसंसि वा पएसंसि वा बहवे उदगजोणिया जीवा य पोग्गला य उदगत्ताए वक्कमंति विउक्कमंति, चयंति उववजंति, देवा णागा जक्खा भूया सम्ममाराहिता भवंति अण्णत्थ समुट्ठियं उदगपोग्गलं परिणयं वासिउकामं तं देसं साहरंति अब्भवलगं च णं समुट्ठियं परिणयं वासिउकामं णो वाउकाओ विहुणेइ, इच्चेए हिं तिहिं ठाणेहिं महावुढिकाए सिया // 67 // तिहिं ठाणेहिं अहुणोववण्णे देवे देवलोएसु इच्छेज्जा माणुसं लोगं हव्वमागच्छित्तए, णो चेव णं संचाएइ हव्वमागच्छित्तए तं० अहुणोववण्णे देवे देवलोएसु दिव्वेसु कामभोगेसु मुच्छिए गिद्धे गढिए अज्झोववण्णे से णं माणुस्सए कामभोगे णो आढाइ णो परियाणाइ णो अटुं बंधइ णो णियाणं पगरेइ, णो ठिइप्पकप्पं पगरेइ, अहुणोववण्णे देवे देवलोएसु दिव्वेसु कामभोगेसु मुच्छिए गिद्धे गढिए अज्झोववण्णे तस्स णं माणुस्सए पेम्मे वोच्छिण्णे दिव्वे संकंते भवइ, अहुणोववण्णे देवे देवलोएसु दिव्वेसु कामभोगेसु मुच्छिए जाव अज्झोववण्णे तस्स णमेवं भवइ इयहि ण गच्छं मुहुत्तं गच्छं तेणं कालेणमप्पाउया मणुस्सा कालधम्मुणा
