________________ 224 अंग-पविट्ठ सुत्ताणि आगमेस्साए उस्सप्पिणीए / जंबुद्दीवे दीवे देवकुरुउत्तरकुरासु मणुया तिण्णि गाउआई उड्डे उच्चत्तणं प० तिणिपलिओवमाई परमाउं पालयति / एवं जाव पुक्खरवरदीवड्डपञ्चत्थिमद्धे // 32 // जंबुद्दीवे दीवे भर हेरवएसु वासेसु एगमेगाए ओसप्पिणीउस्सप्पिणीए तओ वंसा उप्पज्जिंसु वा उप्पजति वा उप्पजिस्संति वा तं० अरिहंतवंसे चक्कवट्टिवंसे दसारवंसे / एवं जाव पुक्खरवरदीवड्डपञ्चत्थिमद्धे / जंबुहीवे दीवे भर हेरवएसु वासेसु एगमेगाए ओसप्पिणीउस्सप्पिणीए तओ उत्तमपुरिसा उप्पजिंसु वा उप्पजति वा उप्पजिस्संति वा तं० अरिहंता वा चकवट्टी वा बलदेववासुदेवा, एवं जाव पुक्खरवरदीवड्पचत्थिमद्धे / तओ अहाउयं पालेंति तं० अरिहंता चकवट्टी बलदेववासुदेवा / तओ मज्झिममाउयं पालयंति तं० अरिहंता चकवट्टी बलदेववासुदेवा // 33 / / बायरतेऊकाइयाणं उक्कोसेणं तिण्णि राइं दियाई ठिई प० / बायरवाउकाइयाणं उक्कोसेणं तिण्णिवाससहस्साइं ठिई पण्णत्ता ।।३४||अह भंते। सालीणं वीहीणं गोधूमाणं जवाणं जवजवाणं एएसिणं धण्णाणं कोट्ठाउत्ताणं पल्लाउत्ताणं मंचाउत्ताणं मालाउत्ताणं ओलित्ताणं लित्ताणं लंछियाणं मुद्दियाणं पिहियाणं केवइयं कालं जोणी संचिट्ठइ ? गोयमा !, जहण्णेणं अंतोमुहत्तं उक्कोसेणं तिण्णिसंवच्छराई तेण परं जोणी पमिलायइ पविद्धंसइ विद्धंसइ तेण परं बीए अबीए भवइ तेण परं जोणी वोच्छेए प०॥३५॥ दोचाए णं सक्करप्पभाए पुढवीए णेरइयाणं उक्कोसेणं तिण्णिसागरोवमाई ठिई प० / तच्चाएणं वालुयप्पभाए पुढवीए जहण्णेणं णेरइयाणं तिण्णिसागरोवमाई ठिई प० / पंचमाए णं धूमप्पभाए पुढवीए तिण्णिणिरयावाससयसहस्सा प० / तिसु णं पुढवीसु णेरइया उसिणं वेयणं पच्चणुभवमाणा विहरंतितं पढमाए दोचाए तच्चाए॥३६॥तओलोगे समा सपक्खि सपडिदिसिं प० तं. अप्पइट्ठाणे णरए जंबुद्दीवे दीवे सव्वट्ठसिद्धे महाविमाणे। तओ लोगे समा सपक्खि सपडिदिसिं प० तं० सीमंतएणं णरए समयक्खेत्ते ईसिपब्भरापुढवी // 37 // तओ समुद्दा पगईए उदगरसेणं 50 तं० कालोदे, पुक्खरोदे, सयंभुरमणे, तओ समुद्दा बहुमच्छकच्छभाइण्णा प० त० लवणे कालोदे सयंभुरमणे।।३८॥तओ लोए णिस्सीला णिव्वया णिग्गुणा णिम्मेरा णिपञ्चक्खाणपोसहोववासा कालमासे कालं किचा अहे सत्तमाए पुढवीए अप्पइट्ठाणे णरए णेरइयत्ताए उववजलि तं० रायाणो मंडलिया जे य महारंभा कोडंबी / तओ लोए सुसीला सुब्वया सगुणा सम्मेरा सपञ्चक्खाण
