________________ ठाणं ठा.३ उ. 2 225 पोसहोववासा कालमासे कालं किच्चा सव्वट्ठसिद्धे महाविमाणे देवत्ताए उववत्तारो भवंति तं० रायाणी परिचत्तकामभोगा सेणावई पसत्थारो // 39 // बंभलोगलंतएसु णं कप्पेसु विमाणा तिवण्णा पण्णत्तातं० किण्हा णीला लोहिया। आणयपाणयारणच्चुएसु णं कप्पेसु देवाणं भवधारणिज्जसरीरगा उक्कोसेणं तिण्णि रयणीओ उई उच्चत्तेणं प० / / 40 // तओ पण्णत्तीओ कालेणं अहिजति त० चंदपण्णत्ती सूरपण्णत्ती दीवसागरपण्णत्ती // 41 // तइयं ठाणं बीओ उद्देसो तिविहे लोगे पण्णत्ते तं० णामलोगे ठवणलोगे दवलोगे। तिविहे लोगे प० तं० णाणलोगे दंसणलोगे चरित्तलोगे / तिविहे लोगे प० तं० उड्डलोगे अहोलोगे तिरियलोगे // 42 // चमरस्सणं असुरिंदस्स असुरकुमाररण्णो तओ परिसाओ पण्णत्ताओ तं० समिया चंडा जाया, अभितरिया समिया मज्झमिया चंडा बाहिरया जाया। चमरस्स णं असुरिंदस्स असुरकुमाररण्णो सामाणियाणं देवाणं तओ परिसाओ पण्णत्ताओ तं० समिया जहेव चमरस्स, एवं तायत्तीसगाणवि, लोगपालाणं तुंबा तुडिया पव्वा एवं अग्गमहिसीण वि / बलिस्स वि एवं चेव जाव अग्गमहिसीणं / धरणस्स य सामाणियतायत्तीसगाणं च समिया चंडा जाया, लोगपालाणं अग्गमहिसीणं ईसा तुडिया दढरहा, जहा धरणस्स तहा सेसाणं भवणवासीणं, कालस्सणं पिसाइंदस्स पिसायरण्णो तओ परिसाओ पण्णत्ताओ, त० ईसा तुडिया दढरहा, एवं सामाणियअग्गमहिसौणं वि एवं जाव गीयरइ गीयजसाणं चंदस्स णं जोइसिंदस्स जोइसरण्णो तओ परिसाओ, तुंबा तुड़िया पव्वा, एवं सामाणियअग्गमहिसीणं, एवं सूरस्स वि, सक्कस्स णं देविंदस्स देवरण्णो तओ परिसाओ पण्णत्ताओतं. समिया चंडा जाया, एवं जहा चमरस्स जाव अग्गमहिसीणं, एवं जाव अच्चुयस्स लोगपालाणं // 45 // तओ जामा प० तं० पढमे जामे मज्झिमे जामे पच्छिमे जामे, तिहिं जामे हिं आया केवलिपण्णत्तं धम्मं लभेज्ज सवणयाए तं० पढमे जामे मज्झिमे जामे पच्छिमे जामे, एवं जाव केवलणाणं उप्पाडेज्जा त० पढमे जामे मज्झिमे जामे पच्छिमे जामे / तओ वया प० तं० पढमे वए मज्झिमे वए पच्छिमे वए / तिहिं वएहिं आया केवलिपण्णत्तं धम्मं लभेज्ज सवणयाए तं० पढमे वए मज्झिमे वए पच्छिमे वए, एसो चेव गमो णेयव्वो, जाव केवलणाणंति // 44 // तिविहा. बोही
