________________ 222 अंग-पविट्ठ सुत्ताणि गसुद्धं अट्ठारसवंजणाउलं भोयणं भोयावेत्ता जावजीवं पिढ़िवडिंसियाए परिवहेजा, तेणावि तस्स अम्मापिउस्स दुप्पडियारं भवइ / अहेणं से तं अम्मापियरं केवलिपण्णत्ते धम्मे आघवइत्ता पण्णवइत्ता परूवइत्ता ठावइत्ता भवइ, तेणामेव तस्स अम्मापिउस्स सुप्पडियारं भवइ समणाउसो ! केइ महचे दरिदं समुक्कसेज्जा तएणं से दरिदे समुकिठे समाणे पच्छा पुरं च णं विउलभोगसमिइसमण्णागए या वि विहरेज्जा, तएणं से महच्चे अण्णया कयाइं दरिही हूए समाणे तस्स दरिहस्स अंतिए हव्वमागच्छेज्जा, तएणं से दरिहे तस्स भट्टिस्स सव्वस्समवि दलयमाणे तेणावि तस्स दुप्पडियारं भवइ, अहेणं से तं भटिं केवलिपण्णत्ते धम्मे आघवइत्ता पण्णवइत्ता परूवइत्ता ठावइत्ता भवइ, तेणामेव तस्स भट्टिस्स सुप्पडियारं भवइ / केइ तहारूवस्स समणस्स वा माहणस्स वा अंतियमेगमवि आरियं जिणभासियं धम्मं सुवयणं सोचा णिसम्म कालमासे कालं किचा अण्णयरेसु देवलोएसु देवत्ताए उववण्णे, तएणं से देवे तं धम्मायरियं दुभिक्खाओ वा देसाओ सुभिक्ख देसं साहरेज्जा, कंताराओ वा णिकंतारं करेजा, दीहकालिएणं वा रोगायंकेणं अभिभूयं समाणं विमोइजा, तेणावि तस्स धम्मायरियस्स दुप्पडियारं भवइ, अहेणं से तं धम्मायरियं केवलिपण्णत्ताओ धम्माओ भट्टं समाणं भुजोवि केवलिपण्णत्ते धम्मे आघवइत्ता जाव ठावइत्ता भवइ तेणामेव तस्स धम्मायरियस्स सुप्पडियारं भवइ / / 22 / / तिहिं ठाणेहिं संपण्णे अणगारे अणाइयं अणवदम्गं दीहमद्धं चाउरंतसंसारकंतारं वीइवए ज्जा, तंजहाअणियाणयाए, दिद्विसंपण्णयाए, जोगवाहियाए // 23 // तिविहा ओसप्पिणी प० तं० उक्कोसा मज्झिमा जहण्णा, एवं छप्पिसमाओ भाणियव्वाओ जाव दुसमदुसमा, तिविहा उस्सप्पिणी प० तं० उक्कोसा मज्झिमा जहण्णा एवं छप्पिसमाओ भाणियव्वाओ, जाव सुसमसुसमा // 24 / / तिहिं ठाणेहिं अच्छिण्णे पोग्गले चलेज्जा तं० आहारिजमाणे वा पोग्गले चलेजा, विउव्वमाणे वा पोग्गले चलेजा, ठाणाओ ठाणं संकामेज्जमाणे वा पोग्गले चलेजा / / 25 / / तिविहा उवही प० तं० कम्मोवही सरीरोवही बाहिरभंडमत्तोवही, एवं असुरकुमाराणं भाणियव्वं, एवं एगिदियणेरइयवजं जाव वेमाणियाणं। अहवा तिविहा उवही पं० तं. सचित्ता अचित्तामी सिया। एवं णेरइयाणं णिरंतरं जाव वेमाणियाणं, तिविहे परिग्गहे प० तं० कम्मपरिग्गहे सरीरपरिग्गहे बाहिरभंडमत्तपरिग्गहे, एवं असुरकुमाराणं, एवं एगिदियणेरइयवज्ज
