________________ ठाणं ठा. 3 उ. 1 221 तं. कण्हणीलकाउलेस्सा, पंचिंदियतिरिक्खजोणियाणं तओ लेस्साओ असंकिलिट्ठाओ प० तं० तेउपम्हसुक्कलेस्सा, एवं मणुस्साणवि / वाणमंतराणं जहा असुरकुमाराणं, वेमाणियाणं तओ लेस्साओ प० तं० तेउपम्हसुक्कलेस्सा // 19 // तिहिं ठाणेहिं तारारूवे चलेज्जा तं० विउव्वमाणे वा परियारेमाणे वा, ठाणाओ वा ठाणं संकममाणे तारारूवे चलेज्जा / तिहिं ठाणेहिं देवे विज्जुयारं करेजा तं० विउव्वमाणे वा परियारेमाणे वा तहारूवस्स समणस्स वा माहणस्स वा इढिं जुइं जसं बलं वीरियं पुरिसक्कारपरक्कम उवदंसेमाणे देवे विज्जुयारं करेजा / तिहिं ठाणेहिं देवे थणियसइं करेज्जा तं, विउव्वमाणे वा एवं जहा विज्जुयारं तहेव थणियसबंपि // 20 // तिहिं ठाणेहिं लोगंधयारे सिया तंजहा-अरिहंतेहिं वोच्छिज्जमाणेहिं अरिहंतपण्णत्ते धम्मे वोच्छिज्जमाणे पुव्यगए वोच्छिन्नमाणे। तिहिं ठाणेहिं लोगुजोए सिया तं० अरिहंतेहिं जायमाणेहिं अरिहंतेहिं पव्वयमाणेहिं, अरिहंताणं णाणुप्पायमहिमासु / तिहिं ठाणेहिं देवंधयारे सिया तं० अरिहंतेहिं वोच्छिज्जमाणेहिं अरिहंतपण्णत्ते धम्मे वोच्छिन्नमाणे पुव्वगए वोच्छिन्नमाणे / तिहिं ठाणेहिं देवुज्जोए सिया तं० अरिहंतेहिं जायमाणेहि, अरिहंतेहिं पव्वयमाणेहि, अरिहंताणं णाणुप्पायमहिमासु / तिहिं ठाणेहिं देवसण्णिवाए सिया तं० अरिहंतेहिं जायमाणेहिं अरिहंतेहिं पव्वयमाणेहिं अरिहंताणं णाणुप्पायमहिमासु / एवं देवुक्कलिया, देवकहकहए। तिहिं ठाणेहिं देविंदा माणुसं लोग हव्यमागच्छति तं० अरिहंतेहिं जायमाणेहिं अरिहंतेहिं पव्वयमाणेहिं अरिहंताणं णाणुप्पायमहिमासु, एवं सामाणिया, तायत्तीसगा लोगपाला देवा अग्गमहिसीओ देवीओ परिसोववण्णगा देवा, अणियाहिवई देवा, आयरक्खा देवा माणुसं लोग हव्वमागच्छंति / तिहिं ठाणेहिं देवा अब्भुटेज्जा तं० अरिहंतेहिं जायमाणेहिं जाव तं चेव, एवमासणाई चलेजा, सीहणायं करेजा, चेलुक्खेवं करेज्जा / तिहिं ठाणेहिं देवाणं चेइय रुक्खा चलेजा तं० अरिहंतेहिं जायमाणेहिं, जाव तं चेव / तिहिं ठाणेहिं लोगंतिया देवा माणुसं लोग हव्वमागच्छेज्जा तं० अरिहंतेहिं जायमाणेहिं, अरिहंतेहिं पव्वयमाणेहिं, अरिहंताणं णाणुप्पायमहिमासु // 21 // तिण्हं दुप्पडियारं समणाउसो ! तंजहा-अम्मापिउणो भट्टिस्स धम्मायरियस्स, संपाओवि य णं केइ पुरिसे अम्मापियरं सयपागसहस्सपागेहिं तिल्लेहिं अब्भंगेत्ता, सुरभिणा गंधट्टएणं उध्वट्टित्ता, तिहिं उदगेहिं मज्जावेत्ता, सव्वालंकारविभूसिय करेत्ता, मणुण्णं थालीपा
