________________ ठाणं ठा. 3 उ.१ करणे, संरंभकरणे, समारंभकरणे, णिरंतरं जाव वेमाणियाणं // 6 // तिहिं ठाणेहि जीवा अप्पाउनत्ताए कम्मं पगरेंति तं० पाणे अइवाइत्ता भवइ, मुसंवइत्ता भवइ, तहारूवं समणं वा, माहणं वा, अफासुएणं अणेसणिज्जेणं असणपाणखाइमसाइमेणं पडिला भित्ता भवइ / इच्चेएहिं तिहिं ठाणेहिं जीवा अप्पाउयत्ताए कम्मं पगरेंति / तिहिं ठाणेहिं जीवा दीहाउयत्ताए कम्मं पगरेंति तंजहा-णो पाणे अइवाइत्ता भवइ, णो मुसं वइत्ता भवइ, तहारूवं समणं वा माहणं वा फासुएसणिज्जेणं असणपाणखाइमसाइमेणं पडिलाभेत्ता भवइ / इच्चेएहिं तिहिं ठाणेहिं जीवा दीहाउयत्ताए कम्मं पगरेंति // 7 // तिहिं ठाणेहिं जीवा असुभदीहाउयत्ताए कम्मंपगरेंति तं. पाणे अइवाइत्ता भवइ, मुसं वइत्ता भवइ, तहारूवं समणं वा माहणं वा हीलेत्ता णिंदेत्ता विंसेत्ता गरिहित्ता अवमाणित्ता अण्णयरेणं अमणुष्णेणं अपीइकारएणं असणपाणखाइमसाइमेणं पडिलाभेत्ता भवइ, इच्चेए हिं तिहिं ठाणेहिं जीवा असुभदीहाउयत्ताए कम्मं पगरेंति, तिहिं ठाणेहिं जीवा सुभदीहाउयत्ताए कम्मं पगरेंति, तंजहा–णो पाणे अइवाइत्ता भवइ, णो मुसं वइत्ता भवइ, तहारूवं समणं वा माहणं वा वंदित्ता णमंसित्ता सक्कारेत्ता सम्माणेत्ता कल्लाणं मंगलं देवयं चेइयं पज्जुवासेत्ता मणुण्णेणं पीइकारएणं असणपाणखाइमसाइमेणं पडिलाभेत्ता भवइ, इच्चेएहिं तिहिं ठाणेहिं जीवा सुहदीहाउयत्ताए कम्मं पगरेंति // 8 // तओ गुत्तीओ पण्णत्ताओ तं० मणगुत्ती, वयगुत्ती कायगुत्ती / संजयमणुस्साणं तओ गुत्तीओ प० तं० मण, वय, काय० / तओ अगुत्तीओ प० तं० मणअगुत्ती, वयअगुत्ती, कायअगुत्ती, एवं णेरइयाणं जाव० थणियकुमाराणं पंचिंदियतिरिक्खजोणियाणं असंजयमणुस्साणं वाणमंतराणं जोइसियाणं वेमाणियाणं / तओ दंडा प० त० मणदंडे, वयदंडे, कायदंडे णेरइयाणं तओ दंडा प० त० मणदंडे, जाव कायदंडे, विगलिंदियवजं जाव वेमाणि. याणं / / 9 // तिविहा गरहा प० तं० मणसावेगे गरहइ, वयसावेगे गरहइ, कायसावेगे गरहइ, पावाणं कम्माणं अकरणयाए / अहवा गरहा तिविहा प० तं० दीहवेगे अद्धं गरहइ, रहस्सं वेगे अद्धं गरहइ, कार्यवेगे पडिसाहरइ पावाणं कम्माणं अकरणयाए / तिविहे पच्चक्खाणे प० त० मणसावेगे पच्चक्खाइ, वयसावेगे पच्चक्खाइ, कायसावेगे .पञ्चक्खाइ, एवं जहा गरहा तहा पच्चक्खाणेवि दो आलावगा भाणियव्वा // 10 // तओ रुक्खा, प० तं० पत्तोवए, पुप्फोवए, फलोवए, एवामेव तओ पुरिसजाया
