________________ ठाणं ठा. 2 उ. 4 217 दुविहा प० त० माए चेव लोहे चेव / दोसवत्तियामुच्छा दुविहा प० त० कोहे चेव माणे चेव / / 75 // दुविहा आराहणा प० तं० धम्मियाराहणा चेव केवलिआराहणा चेव / धम्मियाराहणा दुविहा प० तं० सुयधम्माराहणा चेव चरित्तधम्माराहणा चेव / केवलिआराहणा दुविहा प० तं० अंतकिरिया चेव कप्पविमाणोववत्तिया चेव / / 76 // दोतित्थयरा णीलुप्पलसमावण्णेणं प० तं० मुणिसुव्वए चेव, अरिहणेमी चैव / दोतित्थयरा पियंगुसमावण्णेणं प० तं० मल्ली चेव पासे चेव / दोतित्थयरा पउमगोरा वण्णेणं, प० तं पउमप्प हे चेव वासुपुज्जे चेव / दोतित्थयरा चंदगोरा वण्णेणं प० तं चंदप्पभे चेव पुप्फदंते चेव // 77|| सच्चप्पवाय पुवस्सणं दुवे वत्थू पण्णत्ता। पुव्वभवयाणक्खत्ते दुतारे प० उत्तरभद्दवयाणक्खत्ते दुतारे प०-एवं पुन्वफग्गुणी, उत्तरफग्गुणी // 78 // अंतोणं मणुस्सखेत्तस्स दो समुद्दा, प० तं० लवणे चेव कालोदे चेव / दोचक्कवट्टी अपरिचत्तकामभोगा कालमासे कालं किच्चा अहे सत्तमाए पुढवीए अप्पइट्ठाणणरए णेरइयत्ताए उववण्णा तं० सुभूमे चेव बंभदत्ते चेव / / 79 // असुरिंदवज्जियाणं भवणवासीणं देवाणं देसूणाई दोपलिओवमाई ठिई प०, सोहम्मे कप्पे देवाणं उक्कोसेणं दोसागरोवमाई ठिई प०, ईसाणे कप्पे देवाणं उक्कोसेणं साइरेगाई दोसागरोवमाई ठिई प०, सणंकुमारे कप्पे देवाणं जहण्णेणं दोसागरोवमाई ठिई प०, माहिं दे कप्पे देवाणं जहण्णेणं साइरेगाई दोसागरोंवमाइं ठिई पण्णत्ता // 80 // दोसु कप्पेसु कप्पत्थियाओ पण्णत्ताओ तं० सोहम्मे चेव ईसाणे चेव / दोसु कप्पेसु देवा तेउलेस्सा प० तं० सोहम्मे चेव ईसाणे चेव / दोसु कप्पेसु देवा कायपरियारगा प० त० सोहम्मे चेव ईसाणे चेव / दोसु कप्पेसु देवा फासपरियारगा प० तं० सणंकुमारे चेव, माहिं दे चेव / दोसु कप्पेसु देवा रूवंपरियारगा प० तं० बंभलोए चेव, लंतए चेव / दोसु कप्पेसु देवा सहपरियारगा प० तं० महासुक्के चेव, सहस्सारे चेव / दोइंदा मणपरियारगा, प० तं० पाणए चेव, अच्चुए चेव॥ 81 // जीवाणं दुट्ठाणणिव्वत्तिए पोग्गले पावकम्मत्ताए चिणिंसु वा चिणंति वा चिणिस्संति वा तं जहा-तसकायणिव्वत्तिए चेव, थावरकायणिव्वत्तिए चेव। एवं उवचिणिंसु वा, उवचिणंति वा, उवचिणिस्संति वा, बंधिंसु वा, बंधंति वा, बंधिस्संति वा, उदीरिंसु वा, उदीरेंति वा, उदीरिस्संति वा, वेदिसु वा, वेदिति वा, वेदिसंति वा, णिज्जरिंसु वा, णिज्जरेंति
