________________ 216 अंग-पविट्ठ सुत्ताणि हवेज दसगुणिया; तं सागरोवमस्स उ एगस्स भवे परीमाणं // 3 // 67 // दुविहे कोहे प० तं० आयपइट्ठिए चेव, परपइट्ठिए चेव। एवं णेरइयाणं जाव वेमाणियाणं, एवं जाव मिच्छादसणसल्ले // 68 / / दुविहा संसारसमावण्णगा जीवा प० तं० तसा चेव, थावरा चेव / दुविहा सव्वजीवा प० तं० सिद्धा चेव असिद्धा चेव / दुविहा सव्वजीवा प० तं० सई दिया चेव, अणिंदिया चेव / एवं एसा गाहा फासेयव्वा जाव ससरीरी चेव असरीरी चेव / सिद्धसइं दियकाए, जोगे वेए कसायलेसा य, णाणुवओगाहारे भासगचरिमे य ससरीरी (1) // 69 // दोमरणाई समणेणं भगवया महावीरेणं समणाणं णिग्गंथाणं णो णिचं वणियाई कित्तियाई णो णिचं वुइयाई णो णिचं पसत्थाई णो णिचं अब्भणुण्णायाई भवंति तं० वलयमरणे चेव, वसट्टमरणे चेव, एवं णियाणमरणे चेव, तब्भवमरणे चेव, गिरिपडणे चेव, तरुपडणे चेव, जलप्पवेसे चेव, जलणप्पवेसे चेव, विसभक्खणे चेव, सत्थोवाडणे चेव / दोमरणाई जावणो णिचं अब्भणुण्णायाई भवंति,कारणेणं पुण अप्पडिकुट्ठाइं तंजहावेहाणसे चेव गिद्ध पिढे चेव // 70 // दोमरणाई समणेणं भगवया महावीरेणं समणाणं णिग्गंथाणं णिचं वणियाइं जाव अब्भगुण्णायाई भवंति तं० पाओवगमणे चेव भत्तपच्चक्खाणे चेव / पाओवगमणे दुविहे प० त० णीहारिमे चेव अणीहारिमे चेव, णियमं अप्पडिक्कमे / भत्तपच्चक्खाणे दुविहे प० तं० णीहारिमे चेव, अणीहारिमे चेव, णियमं सप्पडिक्कमे / / 71 / / के अयं लोए ? जीवचेव अजीवच्चेव, के अणंतालोए ? जीवच्चेव अजीवच्चेव / के सासया लोए ? जीवच्चेव अजीवच्चेव // 72 / / दुविहा बोही, णाणबोही चेव, दंसणबोही चेव / दुविहा बुद्धा णाणबुद्धा चेव दंसणबुद्धा चेव, एवं मोहे मूढा // 73 ॥णाणावरणिज्जे कम्मे दुविहे पण्णत्ते तं० देसणाणावरणिज्जे चेव, सव्वणाणावरणिज्जे चेव / दंसणावरणिज्जे कम्मे एवं चेव वेयणिज्जे कम्मे दुविहे प० तं० सायावेयणिज्जे चेव असायावेयणिज्जे चेव / मोहणिजे कम्मे दुविहे प० त० सणमोहणिजे चेव चरित्तमोहणिज्जे चेव / आउकम्मे दुविहे प० तं० अद्धाउए चेव, भवाउए चेव / णामकम्मे दुविहे प० तं• सुभणामे चेव असुभणामे चेव / गोत्तकम्मे दुविहे प० तं० उच्चागोए चेव णीयागोए चेव / अंतराइएकम्मे दुविहे प० तं० पहुप्पण्णविणासिए चेव पिहियआगामिपहं / / 74 // दुविहा मुच्छा प० तं० पेज्जवत्तिया चेव, दोसवत्तिया चैवं / पेज्जवत्तियामुच्छा
