________________ ठाणं ठा. 2 उ. 3 209 परिणाहेणं, तं जहा-तिमिसगुहा चेव, खंडगप्पवायगुहा चेव / तत्थणं दो देवा महिढिया, जाव पलिओवमढ़िइया परिवसंति, तं जहा–कयमालए चेव, णट्टमालए चेव / एरावए णं दीहवेयड्ढे दोगुहा, जाव कयमालए चेव णट्टमालए चेव // 51 // जंबूमंदरस्स पव्वयस्स दाहिणेणं चुल्लहिमवंते वासहरपव्वए दोकूडा, बहुसमउल्ला, जाव विक्खंभुच्चत्तसंठाणपरिणाहेणं, तं जहा-चुल्हिमवंतकूडे चेव वेसमणकूडे चेव / जंबूमंदरस्स दाहिणेणं महाहिमवंते वासहरपव्वए दोकूडा, बहुसमउल्ला जाव महाहिमवंतकूडे चेव, वेरुलियकूडे चेव / एवं णिसढे वासहरपव्वए दोकूडा, बहुसमउल्ला जाव० णिसढकूडे चेव, रुयगप्पभे चेव / जंबूमंदरस्स उत्तरेणं णीलवते वासहरंपव्वए दोकूडा, बहुसमउल्ला जाव० णीलवंतकूडे चेव, उवदसणकूडे चेव / एवं रुप्पिम्मि वासहरपव्यए दोकूडा, बहुसमउल्ला जाव० तंजहा रुप्पिकूडे चेव, मणिकंचणकृडे चेव / एवं सिहरिम्मि वि वासहरपब्वए दोकूडा, बहुसमउल्ला तंजहा—सिहरिकृडे चेव, तिगिच्छिकूडे चेव / / 52 // जंबूमंदरस्स उत्तरदाहिणेणं चुल्लहिमवंतसिहरीसु वासहरपवएसु दो महहहा, बहुसमउल्ला, अविसेसमणाणत्ता अण्णं मण्णं णाइवदृप्ति, आयामविक्खंभउव्वेहसंठाणपरिणाहेणं, तंजहा—पउमहहे चेव, पंडरीयबहे चेव / तत्थणं दो देवयाओ महिड्डियाओ जाव पलिओवमटिइयाओ परिवसंति, तं० सिरी चेव लच्छी चेव / एवं महाहिमवंतरुप्पीसु वासहरपव्वएसु दो महद्दहा प० बहुसमउल्ला जाव महापउमद्दहे चेव, महापोंडरीयहहे चेव / देवयाओ हिरिचेव बुद्धिच्चेव / एवं णिसहणीलवंतेसु तिगिच्छिद्दहे चेव, केसरिद्दहे चेव, देवयाओ धिई चेव कित्तिचेव // 53 / / जंबूमंदरदाहिणेणं महाहिमवंताओ वासहरपव्वयाओ महापउमद्दहाओ दो महाणईओ पवहंति तंजहा रोहियचेव हरिकंतच्चेव। एवं णिसहाओ वासहरपव्वयाओ तिगिच्छिदहाओ दोमहाणईओ पवहंति तं० हरिचेव, सीतोअञ्चेव / जंबूमंदरस्स उत्तरेणं णीलवंताओ वासहरपव्वयाओ केसरिहहाओ दो महाणईओ पवहंति तं० सीता चेव, णारिकंता चैव / एवं रुप्पिवासहरपव्वयाओ महापोंडरीयबहाओ दोमहाणईओ पवहंति, तंजहा णरकंता चैव रुप्पकूला चेव / जंबूमंदरदाहिणेणं भर हेवासे दोपवायदहा प० तं० बहुसमउल्ला जाव गंगप्पवायहहे चेव, सिंधुप्पवायहहे चेव / एवं हेमवएवासे दोपवायदहा प० बहुसमउल्ला तं० रोहियप्पवायहहे चेव, रोहियंसप्प
