________________ 208 अंग-पविट्ट सुत्ताणि मंदरस्स पव्वयस्स उत्तरदाहिणेणं दोवासा बहुसमउल्ला अविसेसमणाणत्ता अण्णमण्णं णाइवटुंति, आयामविक्खंभसंठाणपरिणाहेणं, तं जहा-भरहे चेव, एरवए चेव / एवमेएणं अहिलावेणं णेयव्वं, हेमवए चेव हेरण्णवए चेव, हरिवरिसे चेव, रम्मयवरिसे चेव // 45 // जंबुद्दीवे दीवे मंदरस्स पव्वयस्स पुरच्छिमपञ्चत्थिमेणं दो खित्ता, बहुसमउल्ला अविसेस जाव पुव्वविदेहें चेव अवर विदेहे चेव // 46 / / जंबूमंदरस्स पव्वयस्स उत्तरदाहिणेणं दोकुराओ, बहुसमउल्लाओ अविसेसा जाव देवकुरा चेव उत्तरकुरा चेव / तत्थ णं दो महइ महालया महादुमा, बहुसमउल्ला, अविसेसमणाणत्ता अण्णमण्णं णाइव{ति आयामविक्खंभुच्चत्तोव्वेहसंठाणपरिणाहेणं तं जहा-कूडसामली चेव, जंबू चेव सुंदसणा / तत्थणं दो देवा महिड्डिया जाव महासोक्खा, पलिओवमट्टिइया परिवसंति, तं जहा-नारुले चेव वेणुदेवे अणाढिए चेव जंबूद्दीवाहिवई // 47 // जंबूमंदरस्स पव्वयस्स उत्तरदाहिणेणं दोवासहरपव्यया बहुसमउल्ला, अविसेसमणाणत्ता, अण्णमण्णं णाइवटुंति, आयामविखंभुच्चत्तोव्वेहसंठणपरिणाहेणं, तं जहा-चुल्लहिमवंतेचेव सिहरी चेव / एवं महाहिमवंते चेव, रुप्पी चेव, एवं णिसढे चेव, णीलवंते चेव / / 48 / / जंबूमंदरस्सपव्वयस्स उत्तरदाहिणेणं हेमवएरण्णवएसु वासेसु दोवट्टवेयड्डपव्वया, बहुसमउल्ला, अविसेसमणाणत्ता जाव सद्दावाई चेव वियडावाई चेव, तत्थणं दो देवा महिड्डिया जाव पलिओवमट्ठिइया परिवसंति, तं जहा-साई चेव पभासे चेव / / 49 // जंबूमंदरस्स उत्तरदाहिणेणं हरिवासरम्मएसु वासेसु दोवट्टवेयड्डपव्वया, बहुसमउल्ला, जाव गंधावाई चव, मालवंतपरियाए चेव, तत्थणं दोदेवा महिड्डिया, जाव पलिओवमहिइया परिवसंति, तं जहा-अरुणे चेव, पउमे चेव // 50 // जंबूमंदरस्स पव्वयस्स दाहिणेणं देवकुराए पुव्वावरे पासे, एत्थणं आसक्खंधगसरिसा, अद्धचंदसंठाणसंठिया दोवक्खारपव्वया, बहुसमउल्ला जाव, सोमणसे चेव विज्जुप्पभे चेव / जंबू. मंदरस्स उत्तरेणं उत्तरकुराए पुव्वावरे पासे एत्थणं आसक्खंधगसरिसा अद्धचंदसंठाणसंठिया दो वक्खारपव्वया प० तं० बहु० जाव, गंधमायणे चेव, मालवंते चेव // जंबूमंदरस्स पव्वयस्स उत्तरदाहिणेणं दोदीहवेयड्ढपव्वया, बहुसमउल्ला जाव भारहे चेव दीहवेयड्ढे एरावए चेव दीहवेयड्डे / भारहेणं दीहवेयड्ढे दोगुहाओ बहुसमउल्लाओ अविसेसमणाणत्ताओ अण्णमणं णाइवटुंति आयामविक्वंभुच्चत्तसंठाण
