________________ ठाणं ठा. 2 उ. 3 207 इट्ठा चेव, अगिट्ठा चेव, एवं कंता, पिया, मणुण्णा, मणामा / दुविहा सद्दा प० तं० अत्ता चेव, अणत्ता चेव एवं इट्टा जाव मणामा। दुविहा रूवा प० तं० अत्ता चेव अशत्ता चेव, जाव मणामा, एवं गंधा, रसा, फासा, एवमिक्किक्के छआलावगा भाणियव्वा / / 40 // दुविहे आयारे प० तं० णाणायारे चेव णो णाणायारे चेव / णोणाणायारे दुविहे प तं० दसणायारे चेव, गोदंसणायारे चेव / णोदसणायारे दुविहे पण्णत्ते त०, चरित्तायारे चेव, णो चरित्तायारे चेव / णो चरित्तायारे दुविहे प० तं० तवायारे चेव, वीरियायारे चेव // 41 // दो पडिमाओ प० तं० समाहिपडिमा चेव, उवहाणपडिमा चेव / दो पडिमाओ प० तं० विवेगपडिमा चेव, विउसग्गपडिमा चेव / दोपडिमाओ प० तं० भद्दा चेव, सुभद्दा चेव / दो पडिमाओ प० त० महाभद्दा चेव सव्वतोभद्दा चेव / दो पडिमाओ प० तं० खुड़िया चेव मोयपडिमा, महल्लिया चेव मोयपडिमाओ। दोपडिमाओ प० तं० जवमज्झे चेव चंदपडिमा, वइरमज्झे चेव चंदपडिमा / / 42 // दुविहे सामाइए प० तं० अगारसामाइए चेव, अणगारसामाइए चेव // 43 // दोण्हं उववाए प० तं० देवाणं चैव, णेरइयाणं चैव / दोण्हं उव्वट्टणा प० तं० णेरइयाणं चेव, भवणवासीणं चेव / दोहं चयणे प० तं० जोइसियाणं चेव, वेमाणियाणं चेव / दोण्हं गन्भवकंती 50 तं० मणुस्साणं चेव, पंचिंदियतिरिक्खजोणियाणं चैव / दोण्हं गब्भत्थाणं आहारे प० तं० मणुस्साणं चेव पंचिंदियतिरिक्खजोणियाणं चेव / दोण्हं गब्भत्थाणं वुट्टी प० तं० मणुस्साणं चेव पंचिंदियतिरिक्खजोणियाणं चेव। एवं णिव्वुड्डी विगुव्वणा गइपरियाए समुग्घाए कालसंजोगे आयाइ मरणे / दोण्हं छविपव्वा प० तं० मणुस्साणं चेव पंचिंदियतिरिक्खजोणियाणं चैव / दो सुक्कसोणिअसंभवा, प० तं. मणुस्सा चेव पंचिंदियतिरिक्खजोणिया चेव, दुविहा ठिई, कायठिई चेव, भवढ़िई चेव, दोण्हं कायट्टिई, मणुस्साणं चेव पंचिंदियतिरिक्खजोणियाणं चेव / दोण्हं भवढ़िई, देवाणं चेव णेरइयाणं चेव / दुविहे आउए, अद्धाउए चेव, भवाउए चेव / दोण्हं अद्धाउए, मणुस्साणं चेव पंचिंदियतिरिक्खजोणियाणं चेव / दोण्हं भवाउए देवाणं चेव णेरइयाणं चेव / दुविहे कम्मे, पएसकम्मे चेव, अणु- 'भावकम्मे चेव / दो अहाउयं पालेंति, देवचेव णेरइयचेव / दोण्हं आउयसंवट्टए प० तं० मणुस्साणं चेव, पंचिंदियतिरिक्खजोणियाणं चेव // 44 / / जंबुद्दीवे दीवे
