________________ 210 अंग-पविटु सुत्ताणि वायहहे चेव। जंबूमंदरदाहिणे णं हरिवासे वासे दोपवायदहा प० बहुसमउल्ला तं० हरिप्पवायहहे चेव हरिकंतप्पवायहहे चेव / जंबूमंदरउत्तरदाहिणेणं महाविदेहे वासे दोपवायदहा प० त० बहुसमउल्ला जाव० सीयप्पवायहहे चेव, सीओयप्पवायदहे चेव / जंबूमंदरउत्तरेणं रम्मए वासे दोपवायदहा प० बहुसमउल्ला जाव णरकंतप्पवायहहे चेव णारिकंतप्पवायद्दहे चेव / एवं हेरण्णवएवासे दोपवायदहा प० बहु. समउल्ला जाव० सुवण्णकूलप्पवायद हे चेव, रुप्पकूलप्पवायहहे चेव / जंबूमंदर. उत्तरेणं एरवएवासे दोपवायदहा, प० बहुसमउल्ला जाव. रत्तप्पवायहहे चेव रत्तावईप्पवायहहे चेव / जंबूमंदरदाहिणेणं भर हेवासे दोमहाणईओ प० बहुसमउल्ला गंगा चेव, सिंधू चेव / एवं जहा पवायदहा एवं णईओ भाणियव्वाओ / जाव एरवए वासे दोमहाणईओप० बहुसमउल्लाओ जाव रत्ता चेव रत्तवई चेव / / 54 // जंबुद्दीवे दीवे भरहेरवएसु बासेसुऽतीयाए उस्स प्पिणीए सुसमदुसमाए समाए दो सागरोवमकोडाकोडीओ काले होत्था / एवमिमीसे ओसप्पिणीए जाव प० एवं आगमिस्साए उस्सप्पिणीए जाव भविस्सइ / जंबुद्दीवे दीवे भर हेरवएसु वासेसु तीयाए उस्सप्पिणीए सुसमाए समाए मणुया दोगाउयाइं उर्दू उच्चत्तेणं होत्था, दोणियपलिओवमाइं परमाउं पालइत्था / एवमिमीसे ओसप्पिणीए जाव पालइत्था / एवमागमिस्साए उस्सप्पिणीए जाव पालइस्संति / / 55 / / जंबुद्दीवे दीवे भरहेर. वएसु वासेसु एगसमए एगजुगे दो अरहंतवंसा उप्पजिंसु वा उप्पजंति वा उप्पज्जिस्संति वा / एवं चक्कवट्टिवंसा, दसारवंसा / जंबूभरहेरवएसु एगसमए दोअरिहंता उप्पजिंसु वा उप्पनति वा उप्पजिस्संति वा,एवं चक्कवट्टि एवं बलदेवा एवं वासुदेवा, जाव उपजिस्संति वा / / 56 // जंबू० दोसु कुरासु मणुया सया सुसमसुसमुत्तममिड्डि पत्ता पञ्चणुभवमाणा विहरंति, तं जहा–देवकुराए चेव, उत्तरकुराए चेव / जंबुद्दीवे दीवे दोसु वासेसु मणुया सया सुसममुत्तममिड्डिं पत्ता पच्चणुभवमाणा विहरंति तंजहा-हरिवासे चेव रम्मगवासे चेव / जंबू० दोसु वासेसु मणुया सया सुसमदुसमुत्तममिर्दूि पत्ता पच्चणुभवमाणा विहरंति, तं जहा-हेमवए चेव एरण्णवए चेव / जंबुद्दीवे दीवे दोसु खित्तेसु मणुया सया दुसमसुसमुत्तममिड्डि पत्ता पञ्चणुभवमाणा विहरंति, तं जहा-पुव्वविदेहे व अवरविदेहे चेव / जंबुद्दीवे दीवे दोसु वासेसु मणुया छव्विहंपिकालं पचणुब्भवमाणा विहरंति, तं जहा-भरहे चेव, एरवए चेव
