________________ ठाणं ठा. 2 उ. 1 203 संजमे,अचरिमसमयसयंबुद्धछउमत्थखीणकसायवीयरागसंजमे। बुद्धबोहियउमत्थखीणकसायवीयरागसंजमे दुविहे० पढमसमयबुद्धबोहियछउमत्थखीणकसायवीयरागसंजमे, अपढमसमयबुद्धबोहियछउमत्थखीगकसायवीयरागसंजमे, अहवा चरिमसमयबुद्धबोहियछउमत्थखीणकसायवीयरागसंजमे अचरिमसमयबुद्ध बोहियछउमत्थखीणकसायवीयरागसंजमे। केवलिखीणकसायवीयरागसंजमे दुविहे सजोगिकेवलिखीणकसायवीयरागसंजमे, अजोगिकेवलिखीणकसायवीयरागसंजमे / सजोगिकेवलिखीणकसायवीयरागसंजमे दुविहे० पढमसमयसजोगिकेवलिखीणकसायवीयरागसंजमे अपढमसमयसजोगिकेवलिखीणकसायवीयरागसंजमे, अहवा चरिमसमयसजोगिकेवलिखी. णकसायवीयरागसंजमे, अचरिमसमयसजोगिकेवलिखीणकसायवीयरागसंजमे। अजोगिकेवलिखीणकसायवीयरागसंजमे दुविहे० पढमसमयअजोगिकेवलिखीणकसायवीयरागसंजमे, अपढमसमय अजोगिकेवलिखीणकसायवीयरागसंजमे, अहवा चरिमसमयअजोगिकेवलिावीणकसायवीयरागसंजमे,अचरिमसमयअजोगिकेवलिखीणकसायवीयरागसंजमे // 25 // दुविहा पुढविकाइया पण्णत्ता, तंजहा–सुहुमा चेव, बायरा चेव, एवं जाव दुविहा वणस्सइकाइया पण्णत्ता तंजहा-सुहुमा चेव, बायरा चेव। दुविहा पुढविकाइया पण्णत्ता-पज्जत्तगा चेव, अपज्जत्तगा चेव, एवं जाव वणस्सइकाइया / दुविहा पुढविकाइया पण्णत्ता, तंजहा-परिणया चेव अपरिणया चेव,एवं जाव वणस्सइकाइया। दुविहा दव्वा० परिणया चेव अपरिणया चेव। दुविहा पुढविकाइया पण्णत्ता तंजहा-गइसमावण्णगा चेव अगइसमावण्णगा चेव, एवं जाव वणस्सइकाइया / दुविहा दवा पण्णत्ता तंजहा-गइसमावण्णगा चेव अगइसमावण्णगा चेव। दुविहा पुढविकाइया० अणंतरोगाढगा चेव परंपरोगाढगा चेव, जाव दव्वा // 26 / / दुविहे काले० ओसप्पिणीकाले चेव, उस्सप्पिणीकाले चेव // 27 // दुविहे आगासे० लोगागासे चेव, अलोगागासे चेव // 28 // णेरइयाणं दो सरीरगा० अभंतरगे चेव, बाहिरगे चेव। अभंतरए कम्मए, बाहिरए वेउव्विए, एवं देवाणं भाणियव्वं / पुढविकाइयाणं दो सरीरगा० अब्भतरगे चेव, बाहिरगे चेव / अब्भंतरए कम्मए, बाहिरगे उरालिए, जाव वणस्सइकाइयाणं। वेइंदियाणं दोसरीरगा० अभंतरए चेव बाहिरए चेव / अन्भंतरए कम्मए अद्विमंससोणियबद्धे बाहिरए उरालिए, जाव चउरिंदियाणं। पंचेंदियतिरिक्खजोशियाणं दो सरी
