________________ 202 अंग-पविट्ठ सुत्ताणि चेव। दोण्हं खओवसमिए० मणुस्साणं चेव, पंचिंदियतिरिक्खजोणियाणं चेव / मणपज्जवणाणे दुविहे. उज्जुमई चेव, विउलमई चेव / परोक्खणाणे दुविहे. आभि. णिबोहियणाणे चेव, सुयणाणे चेव / आभिणिबोहियणाणे दुविहे. सुयणिस्सिए चेव असुयणिस्सिए चेव / सुयणिस्सिए दुविहे. अत्थोग्गहे चेव, वंजणोग्गहे चेव / असुयणिस्सिए वि एवमेव / सुयणाणे दुविहे. अंगपविढे चेव, अंगबाहिरे चेव / अंगबाहिरे दुविहे. आवस्सए चेव आवस्सयवइरित्त चेव। आवस्सयवइरित्ते दुविहे० कालिए चेव, उक्कालिए चेव / / 24 // दुविहे धम्मे० सुयधम्मे चेव, चरित्तधम्मे चेव। सुयधम्मे दुविहे. सुत्तसुयधम्मे चेव, अत्थसुयधम्मे चेव / चरित्तधम्मे दुविहे. अगारचरित्तधम्मे चेव, अणगारचरित्तधम्मे चेव / संजमे दुविहे. सरागसंजमे चेव, वीयरागसंजमे चेव / सरागसंजमे दुविहे. सुहुमसंपरायसरागसंजमे चेव बादरसंपरायसरागसंजमे चेव / सुहमसंपरायसरागसंजमे दुविहे. पढमसमयसुहुमसंपरायसरागसंजमे चेव, अपढमसमयसुहमसंपरायसरागसंजमे चेव / अहवा चरिमसमयसुहुमसंपरायसरागसंजमे चेव, अचरिमसमयसुहमसंपरायसरागसंजमे चेव / अहवा सुहुमसंपरायसरागसंजमे दुविहे. संकिलेसमाणए चेव, विसुज्झमाणए चेव। बादरसंपरायसरागसंजमे दुविहे० पढमसमयबादरसंपरायसरागसंजमे अपढमसमयबादरसंपरायसरागसंजमे, अहवा चरिमसमयबादरसंपरागसरागसंजमे, अचरिमसमयबादरसंपरायसरागसंजमे, अहवा बादरसंपरायसरागसंजमे दुविहे. पडिवाइए चेव, अपडिवाइए चेव / वीयरागसंजमे दुविहे० उवसंतकसायवीयरागसंजमे चव, खीणकसायवीयरागसंजमे चेव / उवसंतकसायवीयरागसंजमे दुविहे. पढमसमय उवसंतकसायवीयरागसंजमे चेव, अपढमसमयउवसंतकसायवीयरागसंजमे चेव, अहवा चरिमसमयउवसंतकसायवीयरागसंजमे चेव, अचरिमसमयउवसंतकसायवीयरागसंजमे चेव / खीणकसायवीयरागसंजमे दुविहे. छउमत्थखीणकसायवीयरागसंजमे चेव, केवलिखीणकसायवीयरागसंजमे चेव। छउमत्थखीणकसायवीयरागसंजमे दुविहे. सयंबुद्धछउमत्थखीणकसायवीयरागसंजमे, बुद्धबोहियछउमत्थखीणकसायवीयरागसंजमे / सयंबुद्धछउमत्थरखीणकसायवीयरागसंजमे दुविहे. पढमसमयसयंबुद्धछउमत्थखीणकसायवीयरागसंजमे, अपढमसमयसयबुद्ध छउमत्थखीणकसायवीयरागसंजमे, अहवा चरिमसमयसयंबुद्धछउमत्थखीणकसायवीयराग
