________________ ठाणं ठा.२ उ. 1 201 केवलणाणं // 17 // दो ठाणाई परियाइत्ता आया केवलीपण्णत्तं धम्मं लभेज्ज सवणयाए, तं जहा-आरंभे चेव परिग्ग हे चेव, एवं जाव केवलणाणमुप्पाडेज्जा // 18 // दोहिं ठाणेहिं आया केवलिपण्णत्तं धम्म लभेज्ज सवणयाए तं जहासोचा चेव, अभिसमेच्चा चेव, जाव केवलणाणं उप्पाडेज्जा // 19 // दो समाओ पण्णत्ताओ, तं जहा—उस्सप्पिणिसमा चेव, ओसप्पिणिसमा चेव // 20 // दुविहे उम्माए पण्णत्ते, तं जहा—जक्खाएसे चव मोहणिज्जस्स चेव कम्मस्स उदएणं, तत्थणं जे से जक्खाएसे से णं सुहवेयतराए चेव सुहविमोयतराए चेव, तत्थणं जे से मोहणिज्जस्स कम्मस्स उदएणं, से ण दुहवेयतराए चेव दुह विमोयतराए चेव // 21 // दो दंडा पण्णत्ता, तं जहा-अट्ठादंडे चेव, अणट्ठादंडे चेव, णेरइयाण दो दंडा पण्णत्ता तं जहा-अट्ठादंडे चेव अणट्ठादंडे य एवं चउवीसदंडओ जाव वेमाणियाणं // 22 // दुविहे दंसणे० सम्मइंसणे चेव, मिच्छाईसणे चेव / सम्मदसणे दुविहे. णिसग्गसम्मईसणे चेव, अभिगमसम्मइंसणे चेव / णिसग्गसम्मइंसणे दुविहे०, पडिवाई चेव अपडिवाई चेव.। अभिगमसम्मइंसणे दुविहे०, पडिवाई चव, अप डिवाई चेव / मिच्छाईसणे दुविहे. तं जहा-अभिग्गहियमिच्छादसणे चव, अणभिग्गहियमिच्छादसणे चेव / अभिग्गहियमिच्छादसणे दुविहे० सपज्जवसिए चेव, अपज्जवसिए चेव, एवमणभिग्गहियमिच्छादसणेवि // 23 // दुविहे गाणे० पञ्चक्खे चेव, परोक्खे चेव / पञ्चक्खणाणे दुविहे० केवलणाणे चेव, णो केवलणाणे चेव। केवलणाणे दुविहे. भवत्थकेवलणाणे चव सिद्ध केवलणाणे चव / भवत्थकेवलणाणे दुविहे० सजोगिभवत्थकेवलणाणे चेव अजोगिभवत्थकेवलणाणे चेव / सजोगिभवत्थकेवलणाणे दुविहे. पढमसमयसजोगिभवत्थकेवलणाणे चेव, अपढमसमयसजोगिभवत्थकेवलणाणे चेव, अहवा चरिमसमयसजोगिभवत्थकेवलणाणे चेव, अचरिमसमयसजोगिभवत्थकेवलणाणे चेव। एवं अजोगिभवत्थकेवलणाणे वि / सिद्ध केवलणाणे दुविहे०, अणंतरसिद्धकेवलणाणे चेव, परंपरसिद्धकेवलणाणे चेव / अणंतरसिद्ध केवलणाणे दुविहे० एक्काणंतरसिद्ध केवलणाणे चेव, अणेक्काणंतरसिद्धकेवलणाणे चेव / परंपर. सिद्धकेवलणाणे दुविहे एक्कपरंपरसिद्ध केवलणाणे चेव, अणेकपरंपरसिद्ध केवलणाणे चेव। णो केवलणाणे दुविहे०ओहिणाणे चेव,मणपज्जवणाणे चेव / ओहिणाणे दुविहे. भवपञ्चइए चेव, खओवसमिए चेव / दोण्हं भवपञ्चइए० देवाणं चेव, णेरइयाणं
