________________ 200 अंग-पविट्ट सुत्ताणि दुविहा पण्णत्ता, तंजहा-ऊणाइरित्तमिच्छादसणवत्तिआ चेव तव्वइरित्तमिच्छादसण वत्तिआ चेव // 7 // दो किरियाओ प० तंजहा—दिट्ठिया चेव. पुट्ठिया चेव / दिट्ठियाकिरिया दुविहा प० तंजहा—जीवदिढ़िया चेव अजीवदिट्ठिया चेव, एवं पुट्ठियावि // 8 // दो किरियाओ प० तंजहा-पाडुचिया चेव सामंतोवणिवाइया चेव / पाडुच्चियाकिरिया दुविहा पण्णता, तंजहा-जीवपाडुच्चिया चेव अजीवपाडु. च्चिया चेव, एवं सामंतोवणिवाइयावि // 9 // दो किरियाओ प० तंजहा-साहत्थिया चेव, णेसत्थिया चेव / साहत्थियाकिरिया दुविहा पण्णत्ता, तंजहा-जीवसाहत्थिया चेव, अजीवसाहत्थिया चेव, एवं सत्थियावि // 10 // दो किरियाओ प० तंजहा-आणवणिया चेव वेयारणिया चेव, जहेव णेसत्थिया / / 11 // दो किरियाओ प० तंजहा-अणाभोगवत्तिया चेव / अणवखवत्तिया चेव। अणाभोगवत्तियाकिरिया दुविहा पण्णत्ता, तंजहा-अणाउत्तआइयणया चेव, अणाउत्तपमज्जणया चेव। अणवकंखवत्तिया किरिया दुविहा पण्णत्ता, तंजहा-आयसरीरअणवकंखवत्तिया चेव, परसरीरअणवकंखवत्तिया चेव // 12 // दो किरियाओ प० तंजहा-पेज्जवत्तिया चव, दोसवत्तिया चेव / पेज्जवत्तियाकिरिया दुविहा पण्णत्ता, तंजहा-मायावत्तिया चेव, लोहवत्तिया चेव / दोसवत्तिया किरिया दुविहा पण्णत्ता, तं जहा-कोहे चेव माणे चेव / / 13 / / दुविहा गरिहा पण्णत्ता, तं जहा-मणसावेगे गरिहइ वयसावेगे गरिहइ, अहवा गरिहा दुविहा प० दीहं एगे अद्धं गरिहइ, रहस्सं एगे अद्धं गरिहइ // 14 // दुविहे पच्चक्खाणे, मणसावेगे पञ्चक्खाइ, वयसावेगे पच्चक्खाइ, अहवा पच्चक्खाणे दुविहे, दीहं एगे अद्धं पच्चक्खाइ, रहस्सं एगे अद्धं पच्चक्खाइ // 15 // दोहिं ठाणेहिं अणगारे संपण्णे अणाइयं अणवयग्गं दीहमद्धं चाउरंतसंसारकंतारं वीइवए जा, तं जहा-विजाए चेय, चरणेण चेव / / 16 // दो ठाणाई अपरियाइत्ता आया णो केवलिपण्णत्तं धम्मं लभेजा सवणयाए, तं जहा--आरंभे चेव परिग्गहे चेव। दो ठाणाइं अपरियाइत्ता आया णो केवलं बोहिं बुज्झेजा तं० आरंभे चेव परिग्गहे चेव / दो ठाणाई अपरियाइत्ता आया णो केवलं मुंडे भवित्ता आगाराओ अणगारियं पव्वइज्जा,तं जहा-आरंभे चेव परिग्गहे चेव, एवं णो केवलं बंभचेरवासमावसेज्जा णो केवलेणं संजमेणं संजमेजा, णो केवलेणं संवरेणं संवरेज्जा, णो केवलं आभिणिबोहियणाणं उप्पाडेजा, एवं सुयणाण, ओहिणाणं, मणपज्जवणाणं,
