________________ 198 अंग-पविट्ठ सुत्ताणि याणं वग्गणा, एवं छसु वि लेस्सासु दो दो पयाणि भाणियव्वाणि, एगा कण्हलेस्साणं भवसिद्धियाणं णेरइयाणं वग्गणा, एगा कण्हलेस्साणं अभवसिद्धियाणं गेरइयाणं वग्गणा, एवं जस्त जइ लेस्साओ तस्स तइयाओ भाणियवाओ, जाव वेमाणियाणं / एगा कण्हलेस्साणं समदिट्ठियाणं वग्गणा एगा कण्हलेस्साणं मिच्छदिट्ठियाणं वग्गणा एगा कण्हलेस्साणं सम्ममिच्छदिट्ठियाणं वग्गणा, एवं छसु वि लेस्सासु जाव वेमाणियाणं जेसिं जइ दिट्ठीओ / एगा कण्हलेस्साणं कण्हपक्खियाणं वग्गणा, एगा कण्हलेस्साणं सुक्कपक्खियाणं वग्गणा, जाव वेमाणियाणं, जस्स जइ लेस्साओ, एए अट्ठ चउवीसदंडया // 72 / / एगा तित्थसिद्धाणं वग्गणा, एगा अतित्थसिद्धाणं वग्गणा, एवं जाव एगा एक्कसिद्धाणं वग्गणा, एगा अणिक्कसिद्धाणं वग्गणा, एगा पढमसमय सिद्धाणं वग्गणा, एवं जाव अणंतसमय सिद्धाणं वग्गणा / / 73 / / एगा परमाणुपोग्गलाणं वग्गणा, एवं जाव एगा अणंतपए सियाणं खंधाणं पोग्गलाणं वग्गणा, एगा एगपएसोगाढाणं पोग्गलाणं वग्गणा, जाव एगा असंखेजपएसोगाढाणं पोग्गलाणं वग्गणा, एगा एगसमयठिइयाणं पोग्गलाणं वग्गणा, जाव एगा असंखेज्जसमयठिइयाणं पोग्गलाणं वग्गणा, एगा एगगुणकालयाणं पोग्गलाणं वग्गणा, जाव एगा असंखेज्जगुणकालयाणं पोग्गलाणं वग्गणा / एगा अणंतगुणकालयाणं पोग्गलाणं वग्गणा, एवं वण्णगंधरसफासा भाणियव्वा जाव एगा अणंतगुणलुक्खाणं पोग्गलाणं वग्गणा, एगा जहण्णपए सियाणं खंधाणं वग्गणा, एगा उक्कोस. पए सियाणं खंधाणं वग्गणा, एगा अजहण्णुक्कोस पएसियाणं खंधाणं वग्गणा, एवं जहण्णोगाहणगाणं, उक्कोसोगाहणगाणं, अजहण्णुक्कोसोगाहणगाणं, जहण्णठिइ. याणं, उक्कोसठिइयाणं, अजहण्णुकोसठिइयाणं, जहण्णगुणकालगाणं, उक्कोसगुणकाल. गाणं, अजहण्णुक्कोसगुणकालगाणं, एवं वण्णगंधरसफासाणं वग्गणा भाणियव्वा, नाव एगा अजहण्गुकोसगुणलुक्खाणं पोग्गलाणं वग्गणा / / 74 / / एगे जंबुद्दीवे 2 सध. दीवसमुद्दाणं जाव अद्धंगुलगं च किंचि विसेसाहिए परिक्खेवेणं / / 75 / / एगे समणे भगवं महावीरे इमीसे ओसप्पिणीए चउवीसाए तित्थयराणं चरमतित्थयरे सिद्ध बुद्धे मुत्ते जाव सव्वदुक्खप्पहीणे / / 76 // अणुत्तरोववाइयाणं देवाणं एगा रयणी उड्ढे उच्चत्तेणं पण्णत्ता // 77 // अद्दाणक्खत्ते एगतारे पण्णते, चित्ताणक्खत्ते एगतारे पण्णत्ते, साईणक्खत्ते एगतारे पण्णत्ते / / 78 // एगपए सोगाढा पोग्गला
