________________ 192 अंग-पविट्ठ सुत्ताणि गइया मणुस्सा भवंति / तं जहा-महइच्छा महारम्भा महापरिग्गहा अहम्मिय जाव दुप्पडियाणंदा जाव सव्वाओ परिग्गहाओ अप्पडिविरया. जावज्जीवाए जेहिं समणोवासगस्स आयाणसो आमरणंताए दंडे णिक्खित्ते ते तओ आउगं विप्पजहंति तओ भुज्जो सगमायाए दुग्गइगामिणो भवंति, ते पाणावि वुचंति ते तसावि बुञ्चति ते महाकाया ते चिरट्ठिइया ते बहुयरगा आयाणसो इइ से महयाओ णं जणं तुब्भे वयह तं चेव अयंपि भेदे से णो णेयाउए भवइ-भगवं च णं उदाहु संतेगइया मणुस्सा भवंति / तं जहा-अणारम्भा अपरिग्गहा धम्मिया धम्माणुया जाव सव्वाओ परिग्गहाओ पडिविरया जावजीवाए, जेहिं समणोवासगस्स आयाणसो आमरणंताए दण्डे णिक्खित्ते, ते तओ आउगं विप्पजहंति, ते तओ भुजो सगमायाए सोग्गइगामिणो भवंति / ते पाणा वि वुचंति जाव णो णेयाउए. भवइ। भगवं च णं उदाह संतेगइया मणुस्सा भवंति तं जहा-अप्पिच्छा अप्पारम्भा अप्पपरिग्गहा धम्मिया धम्माणुया जाव एगचाओ परिग्गहाओ अप्पडिविरया, जेहिं समणोवासगस्स आयाणसो आमरणंताए दण्डे णिक्खित्ते / ते तओ आउगं विप्पजहंति, तओ भुजो सगमायाए सोग्गइगामिणो भवंति / ते पाणा वि वुचंति जाव णो णेयाउए भवइ / भगवं च णं उदाहु संतेगइयां मणुस्सा भवंति / तं जहाआरणिया आवसहिया गामणियंतिया, कण्हुईरहस्सिया, जेहिं समणोवासगस्स आयाणसो आमरणताए दण्डे णिक्खित्ते भवइ / णो बहुसंजया णो बहुपडिविरया पाणभूयजीवसत्तेहिं अप्पणा सच्चामोसाइं एवं विप्पडिवेदेति-अहं ण हतंव्वो अण्णे हंतव्वा जाव कालमासे कालं किच्चा अण्णयराइं आसुरियाई किव्विसियाइं जाव उववत्तारो भवति, तओ विप्पमुच्चमामा भुजो एलमुयत्ताए तमोरूंवत्ताए पच्चायति / ते पाणा वि वुच्चंति जाव णो णेयाउए भवइ / भगवं च णं उदाहु संतेगइया पाणा दीहाउया जेहिं समणोवासगस्स आयाणसो आमरणंताए जाव दण्डे णिक्खित्ते भवइ / ते पुवामेव कालं करेंति करेत्ता पारलोइयत्ताए पच्चायति / ते पाणा वि वुचंति, ते तसा वि वुचंति / ते महाकाया ते चिरट्ठिइया ते दीहाउया ते बहुयरगा, पाणा जेहिं समणोवासगस्स सुपच्चक्खायं भवइ, जाव णो णेयाउए भवइ / भगवं च णं उदाहु संतेगइया पाणा समाउया, जेहिं समणोवासगस्स आयाणसो आमरणंताए जाव दण्डे णिक्खित्ते भवइ / ते सयमेव कालं करेंति,
