________________ सूयगडो सु. 2 अ. 7 191 क्खियव्वे ? हंता आइक्खियव्वे / तं चेव उवट्ठावित्तए जाव कप्पंति ? हता कप्पंति / किं ते तहप्पगारा कप्पंति संभुंजित्तए ? हंता कप्पंति / ते णं एयारूवेणं विह्मरेणं विहरमाणा तं चेव जाव अगारं वएज्जा ? हंता वए जा / ते णं तहप्पगारा कप्पंति संभुंजित्तए ? णो इणढे समढे / से जे से जीवे जे परेणं णो कप्पंति संभुंजित्तए / से जे से जीवे आरेणं कप्पंति संभुंजित्तए / से जे से जीवे जे इयाणिं णो कप्पति संभुंजित्तए / परेणं अस्समणे आरेणं समणे, इयाणिं अस्समणे, अस्समणेणं सद्धिं णो कप्पंति समणाणं णिग्गंथाणं संभुंजित्तए / से एवमायाणह ? णियण्ठा से एवमायाणियव्वं // 11 // भगवं च णं उदाहु संतेगइया समणोवासगा भवति / तेसिं च णं एवं वुत्तपुव्वं भवइ-णो खलु वयं संचाएमो मुण्डा भवित्ता अगाराओ अणगारियं पव्वइत्तए / वयं णं चाउद्दसट्ठमुद्दिट्टपुणिमासिणीसु पडिपुण्णं पोसहं सम्मं अणुपालेमाणा विहरिस्सामो / थूलगं पाणाइवायं पञ्चक्खाइस्सामो, एवं थूलगं मुसावायं थूलगं अदिण्णादाणं थूलगं मेहुणं थूलगं परिग्गहं पच्चक्खाइस्सामो / इच्छापरिमाणं करिस्सामो, दुविहं तिविहेणं / मा खलु ममट्ठाए किंचि करेह वा करावेह वा तत्थ वि पञ्चक्खाइस्सामो / ते णं अभोचा अपिच्चा असिणाइत्ता आसंदीपेढियाओ पच्चोरुहित्ता, ते तहा कालगया किं वत्तव्वं सिया--सम्मं कालगय त्ति ? वत्तव्वं सिया। ते पाणा वि वुचंति ते तसा वि वुच्चंति ते महाकाया ते चिरहिइया / ते बहुयरगा पाणा जेहिं समणोवासगस्स सुपच्चक्खायं भवइ / ते अप्पयरगा पाणा जेहिं समणोवासगस्स अपच्चक्खायं भवइ / इइ से महयाओ जं णं तुब्भे वयह तं चेव जाव अयं पि भेदे से णो णेयाउए भंवइ // भगवं च णं उदाहु संतेगइया समणोवासगा भवंति / तेसिं च णं एवं वुत्तपुव्वं भवइ--णो खलु वयं संचाएमो मुण्डा भवित्ता अगाराओ जाव पव्वइत्तए / णो खलु वयं संचाएमो चाउद्दसट्ठमुट्ठिपुण्णमासिणीसु जाव अणुपालेमाणे विहरित्तए / वयं णं अपच्छिममारणंतिय संलेहणाजूसणाजूसिया भत्तपाणं पडियाइक्खिया जाव कालं अणवकंखमाणा विहरिस्सामो / सव्वं पाणाइवायं पञ्चक्खाइस्सामो जाव सव्वं परिग्गहं पच्चक्खाइस्सामो तिविहं तिविहेणं मा खलु ममट्ठाए किंचि वि जाव आसंदीपेढियाओ पच्चोरुहित्ता 'एए तहा कालगया, किं वत्तव्वं सिया सम्मं कालगय त्ति ? वत्तव्वं सिया। ते पाणा वि वुचंति जाव अयं पि भेदे से णो णेयाउए भवइ // भगवं च णं उदाहु संते
