________________ 190 अंग-पविट्ट सुत्ताणि वासगस्स वि तसेहिं पाणेहिं दण्डे णिक्खित्ते, थावरेहिं पाणेहिं दण्डे णो णिक्खित्ते / तस्स णं तं थावरकायं वहमाणस्स से पच्चक्खाणे णो भंगे भवइ / से एवंमायाणह णियण्ठा ! से एवमायाणियव्वं / / भगवं च णं उदाहु णियण्ठा खलु पुच्छियव्वाआउसंतो ! णियण्ठा इह खलु गाहावई वा गाहावइपुत्तो वा तहप्पगारेहिं कुलेहिं आगम्म धम्मं सवणवत्तियं उवसंकमज्जा ? हंता उवसंकजा / तेसिं च णं तहप्पगाराणं धम्मं आइक्खियव्वे ? हंता आइक्खियव्वे / किं ते तहप्पगारं धम्मं सोचा णिसम्म एवं वए जा इणमेव णिग्गंथं पावयणं सच्चं अणुत्तरं केवलियं पडिपुण्णं संसुद्धं णेयाउयं सल्लकत्तणं सिद्धि मग्गं मुत्तिमम्गं णिज्जाणमग्गं णिव्वाणमग्गं अवितहमसंदिद्धं सव्वदुक्खप्पहीणमग्गं / एत्थ ठिया जीवा सिझंति बुझंति मुचंति परिणिव्वायंति सव्वदुक्खाणमंतं करेंति / तमाणाए तहा गच्छामो तहा चिट्ठामो तहा णिसीयामो तहा तुयट्टामो तहा मुंजामो तहा भासामो तहा अब्भुट्ठामो तहा उठाए उट्ठमो त्ति पाणाणं भूयाणं जीवाणं सत्ताणं संजमेणं संजमामो त्ति वए जा ? हंता वएज्जा / किं ते तहप्पगारा कप्पंति पव्वावित्तए ? हंता कप्पंति किं ते तहप्पगारा कप्पंति मुण्डावित्तए ? हंता कप्पंति / किं ते तहप्पगारा कप्पंति सिक्खावित्तए ? हंता कप्पंति / किं ते तहप्पगारा कप्पंति उवट्ठावित्तए ? हंता कप्पंति / तेसिं च णं तहप्पगाराणं सव्वपाणेहिं जाव सध्वसत्तेहिं दण्डे णिक्खित्ते ? हंता णिक्खित्ते / से णं एयारूवेणं विहारेणं विहरमाणा जाव वासाई चउपंचमाइं छहसमाई वा अप्पयरो वा भुजयरो वा देसं दूइज्जेत्ता अगारं वए ज्जा ? हंता वएज्जा / तस्स णं सव्वपाणेहिं जाव सव्वसत्तेहिं दण्डे णिक्खित्ते ? णो इणटे समढे / से जे से जीवे जस्स परेणं सव्वपाणेहिं जाव सव्वसत्तेहिं दण्डे णो णिक्खित्ते / से जे से जीवे जस्स आरेणं सव्वपाणेहिं जाव सत्तेहिं दण्डे णिक्खित्ते / से जे से जीवे जस्स इयाणि सव्वपाणेहिं जाव सत्तेहिं दण्डे णो णिक्खित्ते भवइ, परेणं असंजए आरेणं संजए, इयाणिं असंजए, असंजयस्स णं सव्वपाणेहिं जाव सत्तेहिं दण्डे णो णिक्खित्ते भवइ / स एवमायाणह णियण्ठा ? से एवमायाणियव्वं / / भगवं च णं उदाहु णियण्ठा खलु पुच्छियव्वा-आउसंतो ! णियण्ठा इह खलु परिव्वाइया वा परिव्वाइयाओ वा अण्णयरेहितो तित्थाययणेहितो. आगम्म धम्म सवणवत्तियं उवसंकमज्जा ? हंता उवसंकमज्जा / किं तेसिं तहप्पगारेणं धम्मे आइ
