________________ सूयगडो सु. 2 अ.७ 189 थावरा वि कुचंति / थावरा थावरसंभारकडेणं कम्मुणा णामं च णं अब्भुवगयं भवइ थावराउयं च णं पलिक्खीणं भवइ / थावरकायट्ठिइया ते तओ आउयं विप्पजहंति 'तओ आउयं विप्पजहित्ता भुज्जो परलोइयत्ताए पच्चायति / ते पाणावि वुच्चंति, ते तसा वि वुचति, ते महाकाया ते चिरहिइया // 9 // सवायं उदए पेढालपुत्ते भयवं गोयमं एवं वयासी-आउसंतो गोयमा ! णत्थि णं से केइ परियाए जणं समणोवासगस्स एगपाणाइवायविरए वि दण्डे णिक्खित्ते / कस्स णं तं हेउं ? संसारिया खलु पाणा, थावरा वि पाणा तसत्ताए पञ्चायंति, तसा वि पाणा थावरत्ताए पञ्चायंति, थावरकायांओ विप्पमुच्चमाणा सव्वे तसकायंसि उववजंति, तसकायाओ विप्पमुच्चमाणा सव्वे थावरकायसि उववति, तेसिं च णं थावरकायंसि उववण्णाणं ठाणमेयं घसं / सवायं भगवं गोयमे उदयं पेढालपुत्तं एवं वयासी-णो खलु आउसो ! अम्हाकं वत्तव्वएणं तुभं चेव अणुप्पवाएणं अत्थि णं से परियाए जे णं समणोवासगस्स सव्वपाणेहिं सव्वभूए हिं सव्वजीवेहि सव्वसत्तेहिं दण्डे णिक्खित्ते भवइ। कस्स णं तं हेउं ? संसारिया खलु पाणा, तसा वि पाणा थावरत्ताए पच्चायति, थावरा वि पाणा तसत्ताए पञ्चायंति, तसकायाओ विप्पमुच्चमाणा सव्वे थावरकायंसि उववजंति, थावरकायाओ विप्पमुच्चमाणा सव्वे तसकायंसि उववज्जति तेसिं च णं तसकायंसि उववण्णाणं ठाणमेयं अघत्तं / ते पाणा वि वुचंति, ते तसा वि वुच्चंति, ते महाकाया ते चिरहिइया / ते. बहुयरगा पाणा जेहिं समणोवासगस्स सुपच्चक्खायं भवइ / ते अप्पयरगा पाणा जेहिं समणोवासगस्स अपञ्चक्खायं भवइ / से महया तसकायाओ उवसंतस्स उवट्ठियस्स पडिविरयस्स जं णं तुब्भे वा अण्णो वा एवं वयह-णत्थि णं से केइ परियाए जंसि समणोवासगस्स एगपाणाए वि दण्डे णिक्खित्ते / अयं पि भेदे से णो णेयाउए भवइ // 10 // भगवं च णं उदाहु णियण्ठा खलु पुच्छियव्वा / आउसंतो! णियण्ठा इह खलु संतेगइया मणुस्सा भवंति / तेसिं च एवं वुत्तपुव्वं भवइ-जे इमे मुण्डे भवित्ता अगाराओ अणगारियं पव्वइए एसिं च णं आमरणंताए दण्डे णिक्खित्ते / जे इमे अगारमावसंति एएसिं णं आमरणंताए दण्डे णो णिक्खित्ते / केई च णं समणा जाव वासाइं चउपञ्चमाई छठ्ठड्समाई अप्पयरो वा भुजयरो वा देसं दूइजित्ता अगारमावसेज्जा ? हंता वसेज्जा / तस्स णं तं गारत्थं वहमाणस्स से पच्चक्खाणे भंगे भवइ ? णो इणढे समढे / एवमेव समणो
