________________ 188 अंग-पविट्ठ सुत्ताणि एवं ण्डं पञ्चक्खावेमाणाणं सुपञ्चक्खावियं भवइ / एवं ते परं पञ्चक्खावेमाणा णाइयरंति सयं पइण्णं णण्णत्थ अभिओएणं गाहावइचोरग्गहणविमोक्खणयाए तसभूए हिं पाणेहिं णिहाय दण्डं / एवमेव सइ भासाए परक्कमे विजमाणे जे ते कोहा वा लोहा वा परं पच्चक्खावेंति अयं पि णो उवएसे णो णेयाउए भवइ / अवियाइ आउसो गोयमा ! तुब्भं पि एवं रोयइ ? सवायं भगवं गोयमे उदयं पेढालपुत्तं एवं वयासी-आउसतो उदगा ! णो खलु अम्हे एवं रोयइ / जे ते समणा वा माहणा वा एवमाइक्खंति जाव परूवेंति णो खलु ते समणा वा णिग्गंथा वा भासं भासंति, अणुतावियं खलु ते भासं भासंति, अन्भाइक्खंति खलु ते समणे समणोवासए वा जेहिं वि अण्णेहिं जीवेहिं पाणेहिं भूए हिं सत्तेहिं संजमयंति ताण वि ते अब्भाइक्खंति / कस्स णं तं हेउं ? संसारिया खलु पाणा, तसावि पाणा थावरत्ताए पञ्चायति थावरा वि पाणा तसत्ताए पचायति तसकायाओ विप्पमुच्चमाणा थावरकायंसि उववजंति, थावरकायाओ विप्पमुच्चमाणा तसकायंसि उववजंति, तेसिं च णं तसकायसि उववण्णाणं ठाणमेयं अघत्तं / / 7 / / सवायं उदए पेढालपुत्ते भगवं गोयमं एवं वयासी-कयरे खलु ते आउसंतो गोयमा ! तुब्भे वयह तसा पाणा तसा आउ अण्णहा ? सवायं भगवं गोयमे उदयं पेढालपुत्तं एवं वयासी-आउसंतो उदगा ! जे तुब्भे वयह तसभूया पाणा तसा ते वयं वयामो तसा पाणा, जे वयं वयामो तसा पाणा ते तुब्भे वयह तसभूया पाणा / एए संति दुवे ठाणा तुल्ला एगट्ठा / किमाउसो! इमे मे सुप्पणीयतराए भवइ तसभूया पाणा तसा, इमे भे दुप्पणीयतराए भवइ-तसा पाणा तसा / तओ एगमाउसो ! पडिकोसह एकं अभिणंदह / अयं पि भेदो से णो णेयाउए भवइ / भगवं च णं उदाहुसंतेगइया मणुस्सा भवंति, तेसिं च णं एवं वुत्तपुव्वं भवइ-णो खलु वयं संचाएमो मुण्डा भवित्ता अगाराओ अणगारियं पव्वइत्तए / सावयं ण्हं अणुपुव्वेणं गुत्तस्स लिसिस्सामो। ते एवं संखवेंति ते एवं संखं ठवयंति ते एवं संखं ठावयंति णण्णत्थ अभिओएणं गाहावइचोरग्गहणविमोक्खणयाए तसेहिं पाणेहिं णिहाय दण्डं / तं पि तेसिं कुसलमेव भवइ // 8 // तसा वि वुचंति तसा तससंभारकडेणं कम्मुणा णामं च णं अब्भुवगयं भवइ, तसाउयं च णं पलिक्खीणं भवइ, तसकायट्ठिइया ते तओ आउयं विप्पजहंति / ते तओ आउयं विप्पजहित्ता थावरत्ताए पच्चायति /
