________________ सूयगडो सु. 2 अ. 7 187 गपओगसंपउत्ते विच्छड्डियपउरभत्तपाणे बहुदासीदासगोमहिसगवेलगप्पभूए बहुजणस्स अपरिभूए यावि होत्था // 1 // से णं लेवे णामं गाहावई समणोवासए यावि होत्था अभिगयजीवाजीवे जाव विहरइ णिग्गंथे पावयणे णिस्संकिए णिकंखिए णिबिइगिच्छे लढे गहियढे पुच्छियढे विणिच्छियढे अभिगहियढे अद्विमिजा पेमाणुरागरत्ते / अयमाउसो ! णिग्गंथे पावयणे अयं अटे, अयं परमटे, सेसे अणढे, उस्सियफलिहे अप्पावयदुवारे चियत्तंतेउरप्पवेसे चाउद्दसट्टमुद्दिद्वपुण्णमासिणीसु पडिपुण्णं पोसहं सम्मं अणुपालेमाणे समणे णिग्गंथे तहाविहेणं एसणिज्जेणं असणपाणखाइमसाइमेणं पडिलाभेमाणे बहूहिं सीलव्वयगुणविरमणपञ्चक्खाणपोसहोववासेहिं अप्पाणं भावेमाणे एवं च णं विहरइ // 2 // तस्स णं लेवस्स गाहावइस्स णालंदाए बाहिरियाए उत्तरपुरथिमे दिसिभाए एत्थ णं सेसदविया णामं उदगसाला होत्था अणेगखम्भसयसंणिविट्ठा पासादीया जाव पडिरूवा / तीसे णं सेसदवियाए उदगसालाए उत्तरपुरत्थिमे दिसिभाए एत्थ णं हत्थिजामे णामं वणसण्डे होत्था किण्हे (वण्णओ वणसण्डस्स)।। 3 / / तस्सिं च णं गिहपदेसम्मि भगवं गोयमे विहरइ, भगवं च णं अहे आरामंसि / अहे णं उदए पेढालपुत्ते भगवं पासावचिन्जे णियंठे मेयजे गोत्तेणं जेणेव भगवं गोयमे तेणेव उवागच्छइ, उवागच्छित्ता भगवं गोयम एवं वयासी-आउसंतो गोयमा ! अत्थि खलु मे केइ पदेसे पुच्छियव्वे तं च आउसो ! अहासुयं अहादरिसियं मे वियागरेहि सवायं ? भगवं गोयमे उदयं पेढालपुत्तं एवं वयासी-अवियाइ आउसो ! सोचा णिसम्म जाणिस्सामो सवायं / उदए पेढालपुत्ते भगवं गोयम एवं वयासी // 4 // आउसो गोयमा! अत्थि खलु कुमारपुत्तिया णाम समणा णिग्गंथा तुम्हाणं पवयणं पवयमाणा गाहावई समणोवासगं उव. संपण्णं एवं पञ्चक्खावेंति-णण्णत्थ अभिओएणं गाहावइचोरग्गहणविमोक्खणयाए तसेंहिं पाणेहिं णिहाय दण्डं / एवं ण्हं पञ्चक्खंताणं दुप्पञ्चक्खायं भवइ, एवं ण्हं पञ्चक्खावेमाणाणं दुपचक्खावियव्वं भवइ, एवं ते परं पच्चक्खावेमाणा अइयरंति सयं पइण्णं / कस्स णं तं हेउं ? संसारिया खलु पाणा, थावरा वि पाणा तसत्ताए पञ्चायंति, तसा वि पाणा थावरत्ताए पञ्चायंति, थावरकायाओ विप्पमुच्चमाणा तसकायंसि उववज्जति, तसकायाओ विप्पमुच्चमाणा थावरकायंसि उववति / तेसिं च णं थावरकायसि उववण्णाणं ठाणमेयं धत्तं / / 5 / / एवं ण्हं पच्चक्खंताणं सुपच्चक्खायं भवइ /
