________________ सूयगडो सु. 2 अ. 7 193 करित्ता पारलोइयत्ताए पञ्चायति / ते पाणा वि वुचंति, ते तसा वि वुचंति, ते महाकाया ते समाउया ते बहुयरगा जेहिं समणोवासगस्स सुपञ्चक्खायं भवइ जाव णो णेयाउए भवइ / भगवं च णं उदाहु संतेगइया पाणा अप्पाउया, जेहिं समणोवासगस्स आयाणसो आमरणंताए जाव दण्डे णिक्खित्ते भवइ / ते पुव्वामेव कालं करेंति, करेत्ता पारलोइयत्ताए पच्चायति / ते पाणा वि वुच्चंति, ते तसा वि बुचंति, ते महाकाया ते अप्पाउया ते बहुयरगा पाणा जेहिं समणोवासगस्स सुपच्चक्खायं भवइ, जाव णो णेयाउए भवइ / भगवं च णं उदाहु संतेगइया समणोवासगा भवति / तेसिं च णं एवं वृत्तपुव्वं भवइ-णो खलु वयं संचाएमो मुण्डा भवित्ता जाव पव्वइत्तए / णो खलु वयं संचाएमो चाउद्दसट्टमुहिठ्ठपुण्णमासिणीसु पडिपुण्णं पोसहं अणुपालित्तए / णो खलु वयं संचाएमो अपच्छिमं जाव विहरित्तए वयं च णं सामाइयं देसावगासियं पुरत्था पाईणं वा पडीणं वा दाहिणं वा उदीणं वा एयावया जाव सव्वपाणेहिं जाव सव्वसत्तेहिं दण्डे णिक्खित्ते सव्वपाणभूयजीवसत्तेहिं खेमंकरे अहमंसि / तत्थ आरेणं जे तसा पाणा जेहिं समणोवासगस्स आयाणसो आमरणंताए दण्डे णिक्खित्ते / तओ आउं विप्पजहंति, विप्पजहित्ता तत्थ आरेणं चेव जे तसा पाणा जेहिं समणोवासगस्स आयाणसो जाव तेसु पञ्चायंति, जेहिं समणोवासगस्स सुपच्चक्खायं भवइ / ते पाणा वि जाव अयं पि भेदे जाव णेयाउए भवइ // 12 // तत्थ आरेणं जे तसा पाणा जेहिं समणोवासगस्स आयाणसो आमरणंताए दण्डे णिक्खित्ते ते तओ आउं विप्पजहंति विप्पजहित्ता तत्थ आरेणं चेव जाव थावरा पाणा जेहिं समणोवासगस्स अट्ठाए दण्डे अणिक्खित्ते अणट्ठाए दण्डे णिक्खित्ते तेसु पच्चायति / तेहिं समणोवासगस्स अट्ठाए दण्डे अणिक्खित्ते अणट्ठाए दण्डे णिक्खित्ते, ते पाणा वि वुच्चंति, ते तसा ते चिरढिइया जाव अयं पि भेदे से... / तत्थ जे आरेणं तसा पाणा जेहिं समणोवासगस्स आयाणसो आमरणंताए... तओ आउं विप्पजहंति विप्पजहित्ता तत्थ परेणं जे तसा थावरा पाणा जेहिं समणोवासगस्स आयाणसो आमरणंताए... तेसु पञ्चायंति, तेहिं समणोवासगस्स सुपच्चक्खायं भवइ, ते पाणा वि जाव अयं पि भेदे से... / तत्थ जे आरेणं * थावरा पाणा जेहिं समणोवासगस्स अट्ठाए दण्डे अणिक्खित्ते अणट्ठाए णिक्खित्ते ते तओ आउं विप्पजहंति, विप्पजहित्ता तत्थ आरेणं चेव जे तसा पाणा जेहिं
