________________ सूयगडो सु. 2 अ. 4 करणाए अण्णेहिं वा कारवेत्तए करतं वा समणुजाणित्तए, ते वि णं बाले सव्वेसिं पाणाणं जाव सर्वसिं सत्ताणं दिया वा राओ वा सुत्ते वा जागरमाणे वा अमित्त. भूया मिच्छासंठिया णिचं पसढविउवायचित्तदंडा तं० पाणाइवाए जाव मिच्छादंसणसल्ले / इच्चेव जाव णो चेव मणो णो चेव वई पाणाणं जाव सत्ताणं दुक्खणयाए सोयणयाए जूरणयाए तिप्पणयाए पिट्टणयाए परितप्पणयाए। ते दुक्खणसोयण जाव परितप्पणवहबंधणपरिकिलेसाओ अप्पडिविरया भवंति / इइ खलु से असण्णिणो वि सत्ता अहोणिसिं पाणाइवाए उवक्वाइजति जाव अहोणिसिं परिग्गहे उवक्खाइजति जाव मिच्छादसणसल्ले उवक्खाइज्जति [एवं भूयवाई] / सव्वजोणिया वि खलु सत्ता सण्णिणो हुच्चा असण्णिणो होंति असण्णिणो हुच्चा सण्णिणो होंति, होच्चा सण्णी अदुवा असण्णी, तत्थ से अविविचित्ता अविधूणित्ता असमुच्छित्ता अणणुतावित्ता असण्णिकायाओ वा सण्णिकाए संकमंति सण्णिकायाओ वा असण्णिकार्य संकमंति, सण्णिकायाओ वा सण्णिकायं संकमंति असण्णिकायाओ वा असण्णिकाय संकमंति / जे एए सण्णि वा असण्णि वा सव्वे ते मिच्छायारा णिचं पसढविउ. वायचित्तदण्डा / तं जहा-पाणाइवाए जाव मिच्छादसणसल्ले / एवं खलु भगवया अक्वाए असंजए अविरए अप्पडिहयपच्चक्खायपावकम्मे सकिरिए असंवुडे एगंतदण्डे एगंतबाले एगंतसुत्ते से वाले अवियारमणवयणकायवक्के सुविणमवि ण पासइ पावे य से कम्मे कज्जइ // 5 // चोयए-से किं कुव्वं किं कारवं कहं संजयविरयप्पडिहयपच्चक्खायपावकम्मे भवइ ? आयरिय आह-तत्थ खलु भगवया छज्जीवणिकायहेऊ पण्णत्ता, तं जहा-पुढवीकाइया जाव तसकाइया / से जहाणामए मम अस्सायं दण्डेण वा अट्ठीण वा. मुट्ठीण वा लेलूण वा कवालेण वा आतोडिज्जमाणस्स वा. जाव उवद्दविज्जमाणस्स वा जाव लोमुक्खणणमायमवि हिंसकारं दुक्खं भयं पडिसंवेदेमि, इच्चेवं जाण सव्वे पाणा जाव सवे सत्ता दण्डेण वा जाव कवालेण वा आतोडिज्जमाणे वा हम्ममाणे वा तज्जिज्जमाणे वा तालिजमाणे वा जाव उवद्दविजमाणे वा जाव लोमुक्खणणमायमवि हिंसकारं दुक्खं भयं पडिसंवेदेति / एवं णचा सव्वे पाणा जाव सव्वे सत्ता ण हंतव्वा जाव ण उद्दवेयव्वा / एस धम्मे धुवे णिइए सासए समिच्च लोगं खेयणेहिं पवेइए / एवं से भिक्खू विरए पाणाइवायाओ जाव मिच्छादसणसल्लाओ / से भिक्खू णो दंतपक्खालणेणं दंते पक्खालेज्जा, णो अंजणं णो वमणं
