Angpavittha Suttani

SR No.: 004390
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1982
Total Pages: 1476
Language: Sanskrit
Classification: Book_Devnagari, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 23 MB

Page 195

182 अंग-पविट्ठ सुत्ताणि णो धूवणित्तपि आइए / से भिक्खू अकिरिए अलूसए अकोहे जाव अलोभे उवसंते परिणिव्वुडे / एस खलु भगवया अक्खाए संजयविरयपडिहयपच्चक्खायपावकम्मे अकिरिए संवुडे एगंतपण्डिए भवइ त्ति बेमि // 6 // आयारसुयं णाम पंचमं अज्झयणं आदाय बम्भचेरं च आसुपण्णे इमं वई / अस्सि धम्मे अणायारं णायरेज कयाइ वि // 1 // अणाईयं परिणाय अणवदग्गे ति वा पुणो। सासयमसासए वा इइ दिहिँ ण धारए // 2 // एएहिं दोहिं ठाणेहिं ववहारो ण विजई / एए हिं दोहिं ठाणेहिं अणायारं तु जाणए // 3 // समुच्छिहिंति सत्थारो सव्वे पाणा अणेलिसा / गठिगा वा भविस्संति सासयं ति व णो वए / 4 / / एए हिं दोहिं ठाणेहिं ववहारो ण विजई / एएहिं दोहिं ठाणेहिं अणायारं तु जाणए // 5 // जे केइ खुद्दगा पाणा अदुवा संति महालया। सरिसं तेहिं वरं ति असरिसं ति य णो वए // 6 // एएहिं दोहिं ठाणेहिं ववहारो ण विजई / एए हिं दोहिं ठाणेहिं अणायारं तु जाणए / / 7 / / अहाकम्माणि भुंजंति, अण्णमण्णे सकम्मुणा / उवलित्ते त्ति जाणिज्जा अणुवलित्ते त्ति वा पुणो / / 8 // एएहिं दोहिं ठाणेहिं ववहारो ण विजई / एएहिं दोहिं ठाणेहिं अणायारं तु जाणए // 9 // जमिदं ओरालमाहारं कम्मगं च तहेव य / सम्वत्थ वीरियं अत्थि णत्थि सव्वत्थ वीरियं // 10 // एएहिं दोहिं ठाणेहिं ववहारो ण विजई / एएहिं दोहिं ठाणेहिं अणायारं तु जाणए // 11 // णत्थि लोए अलोए वा णेवं सण्णं णिवेसए / अत्थि लोए अलोए वा एवं सण्णं णिवेसए / / 12 / / णत्थि जीवा अजीवा वा णेवं सण्णं णिवेसए / अत्थि जीवा अजीवा वा एवं सण्णं णिवेसए // 13 // णत्थि धम्मे अधम्मे वा णेवं सणं णिवेसए / अत्थि धम्मे अधम्मे वा एवं सणं णिवेसए / 14 / / णत्थि बंधे व मोक्खे वा णेवं सण्णं णिवेसए / अत्थि बंधे व मोक्खे वा एवं सण्णं णिवेसए // 15 // णत्थि पुण्णे व पावे वा णेवं सणं णिवेसए / अत्थि पुण्णे व पावे वा एवं सण्णं णिवेसए // 16 // णत्थि आसवे संवरे वा णेवं सण्णं णिवेसए / अत्थि आसवे संवरे वा एवं सणं णिवेसए // 17 / / णत्थि वेयणा णिज्जरा वा णेवं सण्णं णिवेसए / अत्थि वेयणा णिज्जरा वा एवं सण्णं णिवेसए // 18 // णत्थि किरिया अकिरिया वा णेवं सणं णिवेसए / अत्थि किरिया अकिरिया वा एवं सणं णिवेसए॥१९॥णत्थि कोहे व माणे वा णेवं सणं णिवेसए / अत्थि कोहे व माणे वा एवं