________________ 180 अंग-पविट्ट सुत्ताणि एवं खलु भगवया अक्खाए असंजए अविरए अप्पडिहयपच्चक्खायपावकम्मे सकि. रिए असंवुडे एगंतदण्डे एगंतबाले एगंतसुत्ते यावि भवइ / से बाले अवियारमणवयणकायवक्के सुविणमवि ण पस्सइ पावे य से कम्मे कज्जइ / जहा से वहए तस्स वा गाहावइस्स जाव तस्स वा रायपुरिसस्स पत्तेयं पत्तयं चित्तसमायाए दिया वा राओ वा सुत्ते वा जागरमाणे वा अमित्तभूए मिच्छासंठिए णिचं पसढविउवायचित्तदण्डे भवइ, एवमेव बाले सव्वेसिं पाणाणं जाव सव्वेसिं सत्ताणं पत्तयं पत्तेयं चित्तसमायाए दिया वा राओ वा सुत्ते वा जागरमाणे वा अमित्तभूए मिच्छासंठिए. णिचं पसढविउवायचित्तदण्डे भवइ / / 3 // णो इणढे समढे [चोयए / इह खलु बहवे पाणा. जे इमेणं सरीरसमुस्सएणं णो दिट्ठा वा सुया वा णाभिमया वा विण्णाया वा जेसिं णो पत्तयं पत्तयं चित्तसमायाए दिया वा राओ वा सुत्ते वा जागरमाणे वा अमित्तभूए मिच्छासंठिए णिचं पसढविउवायचित्तदण्डे / तं जहा पाणाइवाए जाव मिच्छादसणसल्ले।।४॥ आयरिय आह-तत्थ खलु भगवया दुवे दिटुंता पण्णत्ता। तं जहा-सण्णिदिटुंते य असण्णिदिटुंते य / से किं तं सण्णिदिटुंते ? जे इमे सण्णिपंचिंदिया पजत्तगा एएसिं णं छज्जीवणिकाए पडुच्च, तं जहा-पुढवीकार्य जाव तसकायं / से एगइओ पुढवीकारणं किचं करेइ वि कारवेइ वि / तस्स णं एवं भवइ--एवं खलु अहं पुढवीकाएणं किचं करेमि वि कारवेमि वि, णो चेव णं से एवं भवइ-इमेण वा इमेण वा से एएणं पुढंवीकाएणं किच्चं करेइ वि कारवेइ वि / से णं तओ पुढवीकायाओ असंजयअविरयअप्पडिहयपच्चक्खायपावकम्मे यावि भवइ / एवं जाव तसकाए त्ति भाणियव्वं / से एगइओ छज्जीवणिकाएहिं किचं करेइ वि कारवेइ वि / तस्स णं एवं भवइ-एवं खलु छज्जीवणिकाएहिं किचं करेमि वि कारवेमि वि / णो चेव णं से एवं भवइ-इमेहिं वा 2, से य तेहिं छहिं जीवणिकाएहिं जाव कारवेइ वि / से य तेहिं छहिं जीवणिकाएहिं असंजयअविरयअप्पडिहय. पच्चक्खायपावकम्मे, तं जहा-पाणाइवाए जाव मिच्छादंसणसल्ले / एस खलु भगवया अक्खाए असंजए अविरए अप्पडिहयपञ्चक्खायपावकम्मे सुविणमवि अपस्सओ / पावे य से कम्मे कन्जइ / से तं सण्णिदिद्रुते // से किं तं असण्णिदिटुंतें ? जे इमे असण्णिणो पाणा, तं जहा-पुढवीकाइया जाव वणस्सइकाइया छटा वेगइया तसा पाणा, जेसिं णो तका इ वा सण्णा इ वा पण्णा इ वा मणा इ वा वई इ वा सयं वा
