________________ सूयगडो सु. 2 अ. 4 179 अपस्सओ पावे कम्मे णो कन्जइ कस्सणं तं हेउं ? चोयए एवं बबीइ अण्णयरेणं मणेणं पावएणं मणवत्तिए पावे कम्मे कन्जइ, अण्णयरीए वईए पावियाए वइवत्तिए पावे.कम्मे कज्जइ, अण्णयरेणं काएणं पावएणं कायवत्तिए पावेकम्मे कज्जइ, हणंतस्स समणक्खस्स सवियारमणवयणकायवक्कस्स सुविणमवि पासओ, एवं गुणजाईयस्स पावेकम्मे कज्जइ, पुणरवि चोयए, एवं बवीइ तत्थणं जे ते एवमाहंसु असंतएणं मणेणं पावएणं असंतियाए वईए पावियाए, असंतएणं काए णं पावएणं अहणंतस्स अमणक्खस्स अवियारमणवयणकायवक्कस्स सुविणमवि अपस्सओ पावे कम्मे कन्जइ, तत्थ णं जे ते एवमासु मिच्छा ते एवमाहंसु / / तत्थ पण्णवए चोयगं एवं वयासी-तं सम्मं जं मए पुव्वं वुत्तं असंतएणं मणेणं पावएणं, असंतियाए वईए पावियाए, असंतएणं काएणं पावएणं, अहणंतस्स अमणक्खस्स अवियारमणवयणकायवक्कस्स सुविणमवि अपस्सओ पावे कम्मे कज्जइ, तं सम्मं कस्स णं तं हेउं ? आयरिय आह-तत्थ खलु भगवया छन्जीवणिकायहेऊ पण्णत्ता, तंजहा पुढविकाइया जाव तसकाइया इच्चेएहिं छहिं जीवणिकाए हिं आया अप्पडिहयपच्चपखायपावकम्मे, णिचं पसढविउवायचित्तदंडे, तंजहा पाणाइवाए जाव परिग्गहे, कोहे जाव मिच्छादसणसल्ले / / 2 // आयरिय आह-तत्थ खलु भगवया वहए दिटुंते पण्णत्ते / से जहाणामए-वहए सिया गाहावइस्स वा गाहावइपुत्तस्स वा रणो वा रायपुरिसस्स वा खणं णिहाय पविसिस्सामि खणं लघृणं वहिस्सामि संपहारेमाणे से किं णु हु णाम से वहए तस्स गाहावइस्स वा गाहावइपुत्तस्स वा रणो वा रायपुरिसस्स वा खणं णिहाय पंविसिस्सामि खणं लद्ध णं वहिस्सामि, पहारेमाणे दिया वा राओ वा सुत्ते वा जागरमाणे वा अमित्तभूए मिच्छासंठिए णिच्चं पसढविउवायचित्तदण्डे भवइ ? एवं वियागरेमाणे समियाए वियागरे चोयए-हंता भवइ / आयरिय आह-जहा से वहए तस्स गाहावइस्स वा तस्स गाहावइपुत्तस्स वा रण्णो वा रायपुरिसस्स वा खणं णिहाय पविसिस्सामि खणं लद्धणं वहिस्सामि त्ति पहारेमाणे दिया वा राओ वा सुत्ते वा जागरमाणे वा अमित्तभूए मिच्छासंठिए णिचं पसढविउवायचित्तदण्डे, एवमेव बाले वि सव्वेसिं पाणाणं जांव सव्वेसिं सत्ताणं दिया वा राओ वा सुत्ते वा जागरमाणे वा अमित्तभूए मिच्छासंठिए णिचं पसढविउवायचित्तदण्डे / तं जहा-पाणाइवाए जाव मिच्छादसणसल्ले /
