________________ 178 अंग-पविटु सुत्ताणि अहावरं पुरक्खायं इहेगइया सत्ता णाणाविहजोणिया जाव कम्मणियाणेणं तत्थबुक्कमा णाणाविहाणं तसथावराणं पाणाणं सरीरेसु सचित्तसु वा अचित्तेसु वा. पुढवित्ताए सक्करत्ताए वालुयत्ताए / इमाओ गाहाओ अणुगंतव्वाओ-"पुढवी य सक्करा वालुया य उवले सिला य लोणूसे / अय तउ य तम्ब सीसग रुप्प सुवण्णे य वइरे य(१)हरियाले हिंगुलए, मणोसिला सासगंजणपवाले, अब्भपडलब्भवालय, बायरकाए मणिविहाणा(२)गोमेज्जए य रुयए, अंके फलिहे य लोहियक्खे य, मरगयमसारगल्ले भुयमोयगइंदणीले य (3) चंदणगेरुयहंसगब्भ, पुलए सोगंधिए य बोद्धव्वे, चंदप्पभवे: रुलिए, जलकंते सूरकंते य (4)" एयाओ एएसु भाणियव्वाओ गाहाओ जाव सूरकंतत्ताए विउटुंति, ते जीवा तेसिंणाणाविहाणं तसथावराणं पाणणं सिणेहमाहारेंति, ते जीवा आहारेंति पुढविसरीरं जाव संतं अवरे वि य णं तेसिं तसथावरजोणियाणं पुढवीणं जाव सूरकंताणं सरीरा णाणावण्णा जाव मक्खायं, सेसा तिण्णि आलावगा जहा उदगाणं / / 17 // अहावरं पुरक्खायं सचे पाणा सव्वे भूया, सव्वे जीवा, सव्वे सत्ता, णाणाविहजोणिया, णाणाविहसंभवा, णाणाविहवुक्कमा, सरीरजोणिया, सरीरसंभवा, सरीरवुक्कमा, सरीराहारा, कम्मोवगा, कम्मणियाणा, कम्मगइया, कम्मठिइया, कम्मणा चेव विप्परियांसमवेति / / 18 // से एवमायाणह से एवमायाणित्ता आहारगुत्ते सहिए समिए सयाजए त्ति बेमि // 19 // पच्चक्खाणकिरिया णाम चउत्थं अज्झयणं सुयं मे आउसं! तेणं भगवया एवमक्खायं, इह खलु पच्चक्खाणकिरियाणामज्झयणे तस्सणं अयमढे पण्णत्ते, आया अपच्चक्खाणीयावि भवइ, आया अकिरिया कुसलेयावि भवइ, आया मिच्छासंठिए यावि भवइ, आया एगंतदंडेयावि भवइ, आया एगंतबालेयावि भवइ, आया एगंतसुत्तेयावि भवइ, आया अवियारमणवयणकायवक्केयावि भवइ, आया अप्पडिहयअपचक्खायपावकम्मेयावि भवइ, एस खलु भगवया अक्खाए, असंजए, अविरए, अप्पडिहयपच्चक्खायपावकम्मे, सकिरिए, असंवुडे, एगंतदंडे, एगंतबाले, एगंतसुत्ते से बाले, अवियारमणवयणकायवक्के, सुविणमवि ण पस्सइ पावे य से कम्मे कज्जइ // 1 // तत्थ चोयए पण्णवगं एवं वयासी, असंतएणं मणेणं पावएणं असंतियाए वईए पावियाए, असंतएणं काएणं पावएणं अहणंतस्स अमणक्खस्स, अवियारमणवयणकायवक्कस्स सुविणविम
