________________ 170 अंग-पविट्ठ सुत्ताणि तेवि लवंति सावइत्तारो // 26 // ते सव्वे पावाउया आइगरा धम्माण णाणापण्णा णाणाछंदा णाणासीला णाणा दिट्ठी णाणारुई णाणारंभा ‘णाणाझवसाणसंजुत्ता एगं महं मंडलिबंध किच्चा सव्वे एगओ चिट्ठति / / 27 // पुरिसे य सागणियाणं इंगालाणं पाइं बहुपडिपुणं अउमएणं संडासएणं गहाय ते सव्वे पावाउए आइगरे धम्माणं णाणापण्णे जाब णाणाज्झवसाणसंजुत्ते एवं वयासी-हंभो! पावाउया आइगरा धम्माणं णाणापण्णा जाव णाणाज्झवसाणसंजुत्ता ! इमं ताव तुब्भे सागणियाणं इंगालाणं पाई बहुपडिपुण्णं गहाय मुहुत्तयं 2 पाणिणा धरेह णो बहुसंडासगं संसारियं कुन्जा, णो बहुअग्गिथंभणियं कुजा णो बहु साहम्मियबेयावडियं कुज्जा णो बहु परधम्मियवेयावडियं कुन्जा, उज्जुया णियागपडिनण्णा अमायं कुव्वमाणा पाणिं पसारेह इइ वुच्चा से पुरिसे तेसिं पावादुयाणं तं सागणियाणं इंगालाणं पाई बहुपडिपुण्णं अउमएणं संडासएणं गहाय पाणिंसु णिसिरइ तएणं ते पावांउया आइगरा धम्माणं णाणापण्णा जाव णाणाझवसाणसंजुत्ता पाणिं पडिसाहरंति तएणं से पुरिसे ते सव्वे पावाउए आइगरे धम्माणं जाव णाणाज्झवसाणसंजुत्ते एवं वयासी हंभो ! पावाउया आइगरा धम्माणं णाणापण्णा जाव णाणाझवसाणसंजुत्ता ! कम्हाणं तुम्भे पाणिं पडिसाहरह ? पाणिं णो डहिज्जा, दड्डे किं भविस्सइ दुक्खं ? दुक्खं ति मण्णमाणा पडिसाहरह एस तुला एसपमाणे एस समोसरणे पत्तेयं तुला पत्तेयं पमाणे पत्तेयं समोसरणे तत्थणं जे ते समणा माहणा एवमाइक्खंति, जाव परूवेंति सव्वे पाणा जाव सत्ता हंतव्वा अजावेयवा. परिघेयवा परियावेयव्वा किलामेयव्वा उद्दवेयव्वा ते आगंतु छेयाए ते आगंतु भेयाए जाव ते आगंतु जाइजरामरणजोणिजम्मण. संसारपुणब्भवगन्भवासभवपवंचकलंकलीभागिणो भविस्संति। ते बहूणं दंडणाणं बहूणं मुंडणाणं तजणाणं तालणाणं अंदुबंधणाणं जाव घोलणाणं माइमरणाणं पिइमरणाणं भाइमरणाणं भगिणीमरणाणं भज्जापुत्तधूयासुण्हामरणाणं दारिहाणं दोहग्गाणं अप्पियसंवासाणं पियविप्पओगाणं बहूणं दुक्खदोम्मणस्साणं आभागिणो भविस्संति अणाइयं च णं अणवयग्गं दीहमद्धं चाउरंतसंसारकंतारं भुजो भुजो अणुपरियट्टिस्संति ते णो सिज्झिस्संति गो बुज्झिस्संति जाव णो सव्वदुक्खाणमंतं करिस्संति एस तुला एस पमाणे एस समोसरणे पत्तेयं तुला पत्तेयं पमाणे पत्तेयं समोसरणे / तत्थ णं जे ते समणा माहणा एवमाइक्खंति जाव परूवेंति / सव्वे पाणा सव्वे भूया सव्वे जीवा सव्वे सत्ता ण हंतव्वा ण अन्जावेयव्वा 'णं परिघेयव्वा ण उद्द
