________________ सूयगडो सु. 2 अ. 3 171 वेयव्वा ते णो आगंतुच्छेयाए ते णो आगंतुभेयाए जाव जाइजरामरणजोणिजम्मणसंसारपुणब्भवगब्भवासभवपवंचकलंकलीभागिणो भविस्संति, जाव अणाइयं च णं अण्वयग्गं दीहमद्धं चाउरंतसंसारकंतारं भुज्जो भुजो णो अणुपरियट्टिस्संति, ते सिज्झिस्संति जाव सम्वदुक्खाणं अंतं करिस्संति // 28 / / इच्चेए हिं बारसहिं किरियाठाणेहिं वट्टमाणा जीवा णो सिझिसु णो बुझिसु णो मुच्चिसु णो परिणिव्वाइंसु जाव णो सव्वदुक्खाणं अंतं करेंसु वा णो करेंति वा णो करिस्संति वा / एयंसि चेव तेरसमे किरियाठाणे वट्टमाणा जीवा सिम्झिसु बुझिसु मुच्चिसु परिणिव्वाइंसु जाव सम्वदुक्रवाणं अंतं करेंसु वा करंति वा करिस्संति वा / एवं से भिक्खू आयट्ठी आयहिए आयगुत्ते आयजोगे आयपरक्कमे आयरक्खिए आयाणुकम्पए आयणिप्फेडए आयाणमेव पडिसाहरेज्जासि त्ति बेमि // 29 // ॥आहारपरिण्णा णाम तइयं अज्झयणं // सुयं मे आउसं ! तेणं भगवया एवमक्खायं / इह खलु आहारपरिण्णा णामज्झयणे तस्स णं अयमढे / इह खलु पाईणं वा 4 सव्वओ सव्वावंति य णं लोगंसि चत्तारिबीयकाया एवमाहिति / तं जहा-अग्गबीया मूलबीया पोरबीया खंधबीया / तसिं च णं अहाबीएणं अहावगासेणं इहेगइया सत्ता पुढवीजोणिया पुढवीसंभवा पुढवीवुकमा तज्जोणिया तस्संभवा तदुवकमा कम्मोवगा कम्मणियाणेणं तत्थवुकमा णाणाविहजोगियासु पुढवीसु रुक्खत्ताए विउठंति // ते जीवा तेसिं णाणाविहजोणियाणं पुढवीणं सिणेहमाहारेति / ते जीवा आहारेंति पुढवीसरीरं आउसरीरं तेउसरीरं वाउसरीरं वणस्सइसरीरं / णाणाविहाणं तसथावराणं पाणाणं सरीरं अचित्तं कुव्वंति परिविद्धत्थं / तं सरीरं पुवाहारियं तयाहारियं विपरिणयं सारूवियकडं संतं / अवरे वि य णं तेसिं पुढविजोणियाणं रुक्खाणं सरीरा णाणावण्णा णाणागंधा णाणारसा णाणाफासा णाणासंठाणसंठिया णाणाविहसरीरपुग्गलविउव्विया ते जीवा कम्मोववण्णगा भवंतीति मक्खायं / / 1 / / अहावरं पुरक्खायं इहेगइया सत्ता रुखजोणिया रुक्खसंभवा रुक्खवुकमा तज्जोणिया तस्संभवा तदुवकमा कम्मोवगा कम्मणियाणेणं तत्थवुकमा पुढवीजोणिए हिं रुक्खेहिं रुक्खत्ताए विउति। ते जीवा तेसिं पुढवीजोणियाणं रुक्खाणं सिणेहमाहारेंति, ते जीवा माहारेंति पुढवीसरीरं आउतेउवाउवणस्सइसरीरं णाणाविहाणं तसथावराणं पाणाणं सरीरं अचित्तं कुव्वंति परिविद्वत्थ / सरीरं पुव्वाहारियं तयाहारियं विप्परिणामियं सारूवियकडं संतं / अवरे
