________________ सूयगडो सु. 2 अ.२ 169 पुण्णपावा आसवसंवरवेयणाणिज्जराकिरियाहिगरणबंधमोक्खकुसला असहेजदेवासुरणागसुवण्णजंक्खरखसकिंणरकिंपुरिसगरुलगंधव्वमहोरगाइए हिं देवगणेहिं णिग्गंथाओ पावयणाओ अणइक्कमणिज्जा, इणमेव णिग्गंथे पावयणे णिस्संकिया णिकंखिया णिब्विइगिच्छा लद्धट्ठा गहियट्ठा पुच्छ्यिट्ठा विणिच्छियट्ठा अभिगयट्ठा अद्विमिंजपेम्माणुरागरत्ता / अयमाउसो ! णिग्गंथे पावयणे अढे अयं परमटे सेसे अणढे उसियफलिहा अवंगुयदुवाराअचियत्तंतेउरपरघरपवेसा चाउद्दसट्ठमुद्दिट्ठपुण्णिमासिणीसु पडिपुण्णं पोसहं सम्मं अणुपालेमाणा समणे णिग्गंथे फासुएसणिज्जेणं असणपाणखाइमसाइमेणं वत्थपडिग्गह कम्बलपायपुंछणेणं ओसहभेसज्जणं पीठफलगसेज्जासंथारएणं पडिलाभेमाणा बहूहिं सीलव्वयगुणवेरमणपच्चक्खाणपोसहोववासेहिं अहापरिग्गहिएहिं तवोकम्मेहिं अप्पाणं भावेमाणा विहरंति // ते णं एयारूवेणं विहारेणं विहरमाणा बहूई वासाइं समणोवासगपरियागं पाउणंति पाउणित्ता आबाहंसि उप्पणसि वा, अणुप्पणसि वा बहूई भत्ताइं अणसणाए पच्चक्खाएंति बहूई भत्ताई अणसणाए पञ्चक्खाएत्ता बहूई भत्ताई अणसणाए छेदेंति बहूई भत्ताई अणसणाए छेइत्ता आलोइयपडिकंता समाहिपत्ता कालमासे कालं किच्चा अण्णयरेसु देवलोएसु देवत्ताए उववत्तारो भवंति, तं जहा- महड्डिएसु महज्जुइएसु जाव महासुक्खेसु सेसं तहेव जाव एसट्ठाणे आयरिए जाव एगंतसम्म साहू / तच्चस्स ठाणस्स मीसगस्स विभंगे एवमाहिए // 24 / / अविरइं पडुच्च बाले आहिज्जइ विरई पडुच्च पंडिए आर्हिज्जइ विरयाविरई पडुच्च बालपंडिए आहिज्जइ तत्थण जा सा सव्वओ अविरई एसटाणे आरंभट्ठाणे अणारिए जाव असव्वदुक्खप्पहीणमग्गे एगंतमिच्छे असाहू', तत्थणं जा सा सव्वओ विरई एसट्ठाणे अणारंभट्ठाणे आरिए जाव सव्वदुक्खप्पहीणमग्गे एगंतसम्म साहू, तत्थणं जा सा सव्वओ विरयाविरई एसट्ठाणे आरंभणोआरंभट्ठाणे एसटाणे आरिए जाव सव्वदुक्खप्पहीणमग्गे एगंतसम्मे साहू // 25 // एवमेव समणुगम्ममाणा इमेहिं चेव दोहिं ठाणेहिं समोअरंति, तं जहा-धम्मे चेव अधम्मे चेव, उवसंते चेव अणुवसंते चेव, तत्थणं जे से पढमट्ठाणस्स अधम्मपक्खस्स विभंगे एवमाहिए तस्सणं इमाइं तिण्णितेवढाइं पावादुयसयाइं भवतीति मक्खायाइं तं जहा-किरियावाईणं अकिरियावाईणं अण्णाणियवाईणं वेणइयवाईणं तेवि परिणिव्वाणमाहंसु तेवि परिमोक्खमाहंसु तेवि लवंति सावगा
