________________ 168 अंग-पविटु सुत्ताणि वासाइं सामण्णपरियागं पाउणंति 2 बहुबहु आबाहंसि उप्पण्णंसि वा अणुप्पण्णंसि वा बहई भत्ताई पच्चक्खंति पच्चक्वाइत्ता वहई भत्ताइं अणसणाए छेदेंति, अणसणाए छेदित्ता जस्सट्टाए कीरइ णग्गभावे मुण्डभावे अण्हाणभावे अदंतवणगे अछत्तए अणोवाहणए भूमिसेज्जा फलगसेज्जा कट्ठसेज्जा केसलोए बम्भचेरवासे परघरपवेसे लद्धावलद्धे माणावमाणणाओ हीलणाओ जिंदणाओ खिंसणाओ गरहणाओ तज्जणाओ तालणाओ उच्चावया गामकण्टगा बावीसं परीसहोवसग्गा अहियासिति तम आराहेति तमढें आराहित्ता चरमेहिं उस्सासणिस्सासेहिं अणंतं अणुत्तरं णिव्वाघायं णिरावरणं कसिणं पडिपुण्णं केवलवरणाणदंसणं समुप्पाडेंति, समुप्पाडित्ता तओ पच्छा सिझंति बुज्झंति मुञ्चति परिणिव्वायंति सव्वदुक्खाणं अंतं करंति / एगच्चाए पुण एगे भयंतारो भवंति, अवरे पुण पुवकम्मावसेसेणं कालमासे कालं किच्चा अण्णयरेसु देवलोएसु देवत्ताए उववत्तारो भवति / तं जहा-महड्डिएसु महज्जुइएसु महापरक्कमेसु महाजसेसु महाबलेसु महागुंभावेसु महासुक्खेसु / ते णं तत्थ देवा भवंति महड्डिया महज्जुइया जाव महासुक्खा हारविराइयवच्छा कडगतुडियथम्भियभुया अंगयकुण्डलमढगण्डयलकण्णपीढधारी विचित्तहत्थाभरणा विचित्तमालामउलिमउडा कल्लाणगंधपवरवत्थपरिहिया 'कल्लाणगपवरमल्लाणुलेवणधरा भासुरबोंदी पलम्बवणमालाधरा दिवेणं रूवेणं दिव्वेणं वण्णेणं दिव्वेणं गंधेणं दिव्वेणं फासेणं दिव्वेणं संघाएणं दिव्वेणं संठाणेणं दिव्वाए इड्डीए दिव्वाए जुईए दिवाए पभाए दिव्वाए छायाए दिव्वाए अच्चाए दिव्वेणं तेएणं दिव्वाए लेसाए दस दिसाओ उज्जोवेमाणा पभासेमाणा गइकल्लाणा ठिइकल्लाणा आगमेसिभहया यावि भवंति। एस ठाणे आयरिए जाव सव्वदुक्खपहीणमग्गे एगतसम्मे सुसाहू। दोचस्स ठाणस्स धम्मपक्खस्स विभंगे एवमाहिए // 23 // अहावरे तच्चस्स ठाणस्स मीसगस्सविभंगे एवमाहि जइ / इह खलु पाईणं वा 4 संतेगइया मणुस्सा भवंति / तं जहा-अप्पिच्छा अप्पारम्भा अप्पपरिग्गहा धम्मिया धम्माणुया जाव धम्मेणं चेव वित्तिं कप्पेमाणा विहरंति सुसीला सुव्वया सुप्पडियाणंदा साहू एगच्चाओ पाणाइवायाओ पडिविरया जावजीवाए एगच्चाओ अप्पडिविरया जाव जे यावण्णे तहप्पगारा सावजा अबोहिया कम्मंता परपाणपरितावणकरा कन्जंति तओ वि एगच्चाओ अप्पडिविरया / से जहाणामए समणोवासगा भवंति अभिगयजीवाजीवा उवलद्ध.
