________________ मायारो सु. 1 अ. 1 उ. 6 वरए, एत्योवरए, एस अणगारे त्ति पवुच्चइ / / 38 // जे गुणे से आवट्टे जे आवहे से गुणे // 39 // उड्डे-अहं-तिरियं-पाईणं पासमाणे रूवाइं पासइ, सुणमाणे सद्दाई सुणइ, उ8-अहं-तिरियं पाईणं मुच्छमाणे रूवेसु मुच्छति, सहेसु यावि एस लोगे वियाहिए / एत्य अगुत्ते अणाणाए पुणो पुणो गुणासाए वंकसमायारे पमत्तेऽगारमावसे // 40 // लज्जमाणा पुढो पास, अणगारा मोत्ति एगे पवयमाणा; जमिणं विरूवरूवेहिं सत्येहिं वणस्सइकम्मसमारंभेणं वणस्सइसत्थं समारभमाणे अण्णे अणेगरूवे पाणे विहिंसइ // 41 // तत्थ खलु भगवया परिण्णा पवेइया / इमस्स चेव जीवियस्स परिवंदण, माणण, पूयणाए, जाइमरण मोयणाए दुक्खपडिघायहे से सयमेव वणस्सइसत्य समारंभइ, अण्णेहिं वा वणस्सइसत्थं समारंभावेइ, अण्णे वा वणस्सइसत्थं समारंभमाणे समणुजाणइ, तं से अहियाए, तं से अबोहिए // 42 // से तं संबुज्झमाणे आयाणीयं समुट्ठाए सोचा भगवओ, अणगाराणं वा अंतिए इह मेगेसिं णायं भवइ-एस खलु गंथे, एस खलु मोहे, एस खलु मारे, एस खलु णरए। इच्चत्थं गढिए लोए; जमिणं विरूवरूवेहिं सत्थेहिं वणस्सइकम्मसमारंभेणं वणस्सइसत्थं समारंभमाणे अण्णे अणेगरूवे पाणे विहिंसइ / / 43 / / से बेमि-इमंपि जाइधम्मयं, एयपि जाइधम्मय, इमंपि वुड्डिधम्मयं एयपि वुविधम्मय; इमंपि चित्तमंतयं एयंपि चित्तमंतयं; इमंपि छिण्णं मिलाति, एयपि छिण्णं मिलाति; इमंपि आहारगं, एयंपि आहारगं; इमंपि अणिचय, एयपि अणिचयं; इमंपि असासयं, एयपि असासयं; इमंपि चयावचइयं, एयंपि चयावचइयं; इमंपि विपरिणामधम्मयं, एयंपि विपरिणामधम्मयं // 44 // एत्थ सत्थं समारंभमाणस्स इच्चेए आरंभा अपरिणाया भवति / एत्य सत्यं असमारंभमाणस्स इच्चेए आरंभा परिणाया भवति / तं परिण्णाय मेहावी णेव सयं वणस्सइसत्थ समारंभेजा, णेवण्णेहिं वणस्सइसत्थं समारंभावेज्जा, णेवण्णे वणस्सइसत्थं समारंभंते समणुजाणेज्जा, जस्सेते वणस्सइसत्थसमारंभा परिण्णाया भवंति, से हु मुणी परिण्णायकम्मे त्ति बेमि // 45|| पढमं अज्मयणं पंचमोद्देसो // से बेमि, संतिमे तसा पाणा, तंजहा-अंडया, पोयया, जराउया, रसया, संसेयया, समुच्छिमा, उब्भियया, उववाइया, एस संसारेत्ति पवुच्चइ, मंदस्सावियाणओ // 46 // णिज्झाइत्ता पडिलेहित्ता पत्तेयं परिणिव्याणं, सव्वेसि पाणाणं सव्वेसि भूयाणं,
