________________ 166 अंग-पबिट्ट सुत्ताणि उच्छोलित्ता भवइ जहा मित्तदोसवत्तिए जाव अहिए परंसि लोगसि / ते दुक्खंति सोयंति जूरंति तिप्पंति पिटुंति परितप्पंति ते दुखणसोयणजूरणतिप्पणपिट्टणपरितप्पणवहबंधणपरिकिलेसाओ अप्पडिविरया भवंति / एवमेव ते इत्थिकामेहिं मुच्छिया गिद्धा गढिया अज्झोववण्णा जाव वासाइं चउपंचमाई छद्दसमाई वा अप्पयरो वा भुजयरो वा कालं भुंजित्तु भोगभोगाई पंविसुइत्ता वेराययणाई संचिणित्ता बहूई पावाई कम्माई उस्सण्णाई संभारकडेण कम्मुणा से जहाणामए अयगोले इ वा सेलगोले इ वा उदगंसि पक्खित्ते समाणे उदगयलमइवइत्ता अहे धरणियलपइट्ठाणे भवइ, एवमेव तहप्पगारे पुरिसजाए वजबहुले धूयबहुले पंकबहुले वेरबहुले अप्पत्तियबहुले दम्भबहुले णियडिबहुले साइबहुले अयसबहुले उस्सण्णतसपाणघाई काल. मासे कालं किचा धरणियलमइवंइत्ता अहे णरगयलपइट्ठाणे भवइ // 20 // ते णं णरगा अंतो वट्टा बाहिं चउरंसा अहे खुरप्पसंठाणसंठिया णिचंधकारतमसा ववगयगहचंदसूरणक्खत्तजोइसप्पहा मेदवसामसरुहिरपूयपडलं चिक्खिललित्ताणुलेवणयला असुई वीसा परमदुन्भिगंधा कण्हा अगणिवण्णाभा कक्खडफासा दुरहियासा असुभा णरगा असुभा णरएसु वेयणाओ / / णो चेव णरएसु णेरइया णिहायंति वा पयलायति वा सुई वा रई वा धिई वा मई वा उवलभंते ते णं तत्थ उज्जलं विउलं पगाढं कडुयं कक्कसं चण्डं दुक्खं दुग्ग तिव्वं दुरहियासं णेरइया वेयणं पञ्चणुभत्रमाणा विहरंति // 21 // से जहाणामए रुक्खे सिया पव्वयग्गे जाए मूले छिण्णे अग्गे गरुए जओ णिणं जओ विसमं जओ दुग्गं तओ पवडइ, एवामेव तहप्पगारे पुरिसजाए गन्भाओ गम्भं जम्माओ जम्मं माराओ मारं णरगाओ णरगं दुक्खाओ दुक्खं दाहिणगामिए णेरइए कण्हपक्खिए आगमिस्साणं दुल्लहबोहिए यावि भवइ / एस ठाणे अणारिए अकेवले जाव असव्वदुक्खपहीणमग्गे एगंतमिच्छे असाहू / पढमस्स ठाणस्स अधम्मपक्खस्स विभंगे एवमाहिए // 22 // अहावरे दोच्चस्स ठाणस्स धम्मपक्खस्स विभंगे एवमाहिज्जइ / इह खलु पाईणं वा 4 संतेगइया मणुस्सा भवंति / तं जहा-अणारम्भा अप. रिग्गहा धम्मिया धम्माणुया धम्मिट्ठा जाव धम्मेणं चेव वित्तिं कप्पेमाणा विहरंति, सुसीला सुव्वया सुप्पडियाणंदा सुसाहू सव्वाओ पाणाइवायाओ पडिविरया जावजीवाए जाव जे यावण्णे तहप्पगारा सावजा अबोहिया कम्मंता
