________________ सूयगडो सु. 2 अ. 2 165 डिविरया जावजीवाए सव्वाओ सगडरहजाणजुग्गगिल्लिथिल्लिसियासंदमाणियासयणासणजाणवाहणभोगभोयणपवित्थरविहीओ अप्पडिविरया जावज्जीवाए सव्वाओ कयविक्कयमासद्धमासरूवगसंबवहाराओ अप्पडिविरया, जावजीवाए सव्वाओ हिरण्णसुवण्णधणधण्णमणिमोत्तियसंखसिलप्पवालाओ अप्पडिविरया जावज्जीवाए सव्वाओ कूडतुलकूडमाणाओ अप्पडिविरया जावज्जीवाए सव्वाओ आरम्भसमारम्भाओ अप्पडिविरया जावज्जीवाए सव्वाओ करणकारावणाओ अप्पडिविरया जावज्जीवाए सव्वाओ पयणपयावणाओ अप्पडिविरया जावज्जीवाए सव्वाओ कुट्टणपिट्टणतज्जणताडणवहबंधपरिकिलेसाओ अप्पडिविरया जावजीवाए / जे यावण्णे तहप्पगारा सावज्जा अबोहिया कम्मंता परपाणपरियावणकरा जे अणारिएहिं कजति तओ अप्पडिविरया जावज्जीवाए / से नहाणामए केइ पुरिसे कलममसूरतिलमुग्गमासणिप्फावकुलत्थआलिसंदगपलिमंथगमादिए हिं अयंते कूरे मिच्छादण्ड पउंजंति, एवमेव तहप्पगारे पुरिसजाए तित्तिरवट्टगलावगकवोयकविंजलमियमहिसवराहगाहगोहकुम्मसिरिसिवमाइएहिं अयंतें कूरे मिच्छादण्डं पउंजंति जा वि य से बाहिरिया परिसा भवइ, तं जहा-दासे इ वा पेसे इ वा भयए इ वा भाइले इ वा कम्मकरए इ वा भोगपुरिसे इ वा तेसिं पि य णं अण्णयरंसि अहालहुगंसि अवराहंसि सयमेव गरुयं दण्डं णिवत्तेइ / तं जहा-इमं दण्डेह इमं मुण्डेह इमं तलेह इमं तालेह इमं अदुयबंधणं करेह इमं णियलबंधणं करेह इमं हड्डिबंधणं करेह इमं चारगबंधणं करेह इमं णियलजुयलसंकोचियमोडियं करेह इमं हत्यच्छिप्रणयं करेह इमं पायच्छिण्णयं करेह.इमं कण्णछिण्णयं करेह इमं णक्कओट्ठसीसमुहच्छिण्णयं करेह वेयगच्छहियं अंगच्छहियं पक्खाफोडियं करेह इमं णयणुप्पाडियं करेह इमं दंसणुप्पाडियं वसणुप्पाडियं जिन्भुप्पाडियं ओलम्बियं करेह घसियं करेह घोलियं करेह सूलाइयं करेह सूलामिण्णयं करेह खारवत्तियं करेह वज्झवत्तियं करेह सीहपुच्छियगं करेह वसभपुच्छियगं करेह दवग्गिदड्ढयंगं कागणिमंसखावियंगं भत्तपाणणिरुद्धगं इमं जावजीवं वहबंधणं करेह इमं अण्णयरेणं असुभेणं कुमारेणं मारेह। जा वि य से अभितरिया परिसा भवइ, तं जहा-माया इ वा पिया इ वा भाया इ वा भगिणी इ वा भजा इ वा पुत्ता इ वा धूया इ वा सुण्हा इ वा, तेसि पि य णं अण्णयरंसि अहालहुगंसि अवराहसि सयमेव गरुयं दण्डं णिवत्तेइ, सीओदगवियउंसि
