________________ 164 अंग-पविट्ट सुत्ताणि कूरकम्मे खलु अयं पुरिसे अइधुए अइयायरक्खे दाहिणगामिए णेरइए कण्हपक्खिए आगमिस्साणं दुल्लहबोहियाए यावि भविस्सइ / इच्चेयस्स ठाणस्स उठ्ठिया वेगे अभिगिझंति अणुट्ठिया वेगे अभिगिझंति अभिझंझाउरा वेगे अभिगिज्झंति / एस ठाणे अणारिए अकेवले अप्पडिपुण्णे अणेयाउए असंसुद्धे असल्लगत्तणे असिद्धिमग्गे अमुत्तिमग्गे अणिव्वाणमग्गे अणिज्जाणमग्गे असव्वक्दुखपहीणमग्गे एगंतमिच्छे असाहु / एस खलु पढमस्स ठाणस्स अधम्मपक्खस्स विभंगे एवमाहिए // 17 // अहावरे दोच्चस्स ठाणस्स धम्मपक्खस्स विभंगे एवमाहिज्जइ। . इह खलु पाईणं वा पडीणं वा उदीणं वा दाहिणं वा संतेगइया मणुस्सा भवंति / तं जहा-आरिया वेगे अणारिया वेगें उच्चागोया वेगे णीयागोया वेगे कायमंता वेगे हस्समंता वेगे सुवण्णा वेगे दुवण्णा वेगे सुरूवा वेगे दुरूवा वेगे / तेसिं च णं खेत्तवत्थूणि परिग्गहियाई भवंति, एसो आलावगो जहा पोण्डरीए तहा णेयव्वो, तेणेव अभिलावेण जाव सव्वोवसंता सव्वत्ताए परिणिबुडे त्ति बेमि || एस ठाणे आरिए केवले जाव सव्वदुक्खप्पहीणमग्गे एगंतसम्मे साहु / दोचस्स ठाणस्स धम्मपक्खस्स विभंगे एवमाहिए // 18 // अहावरे तच्चस्स ठाणस्स मिस्सगस्स विभंगे एवमाहिज्जइ / जे इमे भवंति आरणिया आवसहिया गामणियंतिया कण्हुईरहस्सिया जाव ते तओ विप्पमुच्चमाणा भुजो ए लमूयत्ताए तमूयत्ताए पञ्चायति / एस ठाणे अणारिए अकेवले जाव असव्वदुक्खपहीणमग्गे एगंतमिच्छे असाहू / एस खलु तच्चस्स ठाणस्स मिस्सगस्स विभंगे एवमाहिए // 19 // अहावरे पढमस्स ठाणस्स अधम्मपक्खस्स विभंगे एवमाहिज्जइ / इह खलु पाईणं वा 4 संतेगइया मणुस्सा भवंति-गिहत्था महिच्छा महारम्भा महापरिग्गहा अधम्मिया अधम्माणुया अधम्मिट्ठा अधम्मक्खाई अधम्मपायजीविणो अधम्मपलोई अधम्मपलजणा अधम्मसीलसमुदायारा अधम्मेणं चेव वित्तिं कप्पेमाणा विहरंति / हण छिंद भिंद विगत्तगा लोहियपाणी चण्डा रुद्दा खुद्दा साहस्सिया उक्कुंचणवंचणमायाणियडिकूडकवडसाइसंपओगबहुला दुस्सीला दुव्वया दुप्पडियाणंदा असाहू' सव्वाओ पाणाइवायाओ अप्पडिविरया जावजीवाए जाव सव्वाओ परिग्गहाओ अप्पडिविरया जावजीवाए सव्वाओ कोहाओ जाव मिच्छादसणसल्लाओ अप्पडिविरया, सव्वाओ ण्हाणुम्महणवण्णगंधविलेवणसद्दफरिसरसरूवगंधमल्लालंकाराओ अप्पडि
