________________ सूयगडो सु. 2 अ. 2 163 णो विइगिंठ्इ, तं जहा-गाहावईण वा गाहावइपुत्ताण वा उसालाओ वा जाव गद्दभसालाओ वा कण्टकबोंदियाहिं पडिपेहित्ता सयमेव अगणिकाएणं झामेइ जाब समणुजाणइ / से एगइओ णो विइगिंछइ, तं जहा-गाहावईण वा गाहावइपुत्ताण वा जाव मोत्तियं वा सयमेव अवहरइ जाव समणुजाणइ / से एगइओ णो विइ. गिंछइ तं जहा-समणाण वा माहणाण वा छत्तगं वा दण्डगं वा जाब चम्मछेयणगं वा सयमेव अवहरइ जाव समणुजाणइ / इइ से महया जाव उवक्खाइत्ता भवइ / से एगइओ समणं वा माहणं वा दिस्सा णाणाविहेहिं पावकम्मेहिं अत्ताणं उवक्खाइत्ता भवइ, अदुवा णं अच्छराए आफालित्ता भवइ, अदुवा णं फरुसं वदित्ता भवइ, कालेण वि से अणुपविट्ठस्स असणं वा पाणं वा जाव णो दवावेत्ता भवइ,जे इमे भवंति वोणमंता भारवंता अलसगा वसलगा किवणगा समणगा णिउज्जमा वणगा पव्वयंति ते इणमेव जीवियं धिब्बीवियं संपडिबूहेंति, णाइ ते परलोगस्स अट्टाए किंचि वि सिलीसंति, ते दुक्खंति ते सोयंति ते जूरंति ते तिप्पंति ते पिट्टति ते परि. तप्पति ते दुक्खणजूरणसोयणतिप्पणपिट्टणपरितिप्पणवहबंधणपरिकिलेसाओ अप्पडि. विरया भवति / ते महया आरम्मेण ते महया समारम्भेण ते महया आरम्भसमारम्मेण विरूवरूवेहिं पावकम्मकिचेहिं उरालाई माणुस्सगाई भोगभोगाई भुंजित्तारो भवंति। तं जहा-अण्णं अण्णकाले पाणं पाणकाले वत्थं वत्थकाले लेणं लेणकाले सयणं सयणकाले सपुव्वावरं च णं व्हाए कयवलिकम्मे, कयकोउय-मंगल-पायच्छित्ते सिरसा हाए कण्ठेमालाकडे आविमणिसुवण्णे कप्पियमालामउली पडिबद्धसरीरे वग्घारियसोणिसुत्तगमल्लदामकलावे अहयवत्थपरिहिए चंदणोक्खित्तगायसरीरे महइ. महालियाए कूडागारसालाए महइमहालयंसि सीहासणंसि इत्थीगुम्मसंपरिवुडे सब्बराइएणं जोइणा झियायमाणेणं महयाहयणट्टगीयवाइयतंतीतलतालतुडियघणमुइंगपडुप्पवाइयरवेणं उरालाई माणुस्सगाई भोगभोगाई भुंजमाणे विहरइ / तस्स णं एगमवि आणवेमाणस्स जाव चत्तारि पंच जणा अवुत्ता चेव अब्भुटुंति / भणह देवागुप्पिया किं करेमो ? किं आहरेमो ? किं उवणेमो ? किं आचिट्ठामो ? किं भे हियं इच्छिय ? किं भे आसगस्स सयइ ? तमेव पासित्ता अणारिया एवं वयंति- देवे खलु अयं पुरिसे, देवसिणाए खलु अयं पुरिसे, देवजीवणिजे खलु अयं पुरिसे, अण्णे वि य णं उवजीवंति / तमेव पासित्ता आरिया वयंति-अमिकंत
