________________ सूयगडो सु. 2 अ.२ 157 आहिज्जइ / से जहाणामए-केइ पुरिसे ममं वा ममि वा अण्णं वा अण्णि वा हिंसिंसु वा हिंसइ वा हिसिस्सइ वा तं दण्डं तसथावरेहिं पाणेहिं सयमेव णिसिरइ अण्णेण वि णिसिरावेइ अण्णं पि णिसिरंतं समणुजाणइ हिंसादण्डे, एवं खलु तस्स तप्पत्तियं सावज्जं ति आहिज्जइ / तच्चे दण्डसमादाणे हिंसादण्डवत्तिए त्ति आहिए // 4 // अहावरे चउत्थे दण्डसमादाणे अकम्हादण्डवत्तिए त्ति आहिज्जइ। से जहाणामए-केइ पुरिसे कच्छंसि वा जाव वणविदुग्गंसि वा मियवत्तिए मियसंकप्पे मियपणिहाणे मियवहाए गंता एए मिय त्ति काउं अण्णयरस्स मियस्स वहाए उसु आया मेत्ता णं णिसिरेज्जा, स मियं वहिस्सामि त्ति कटु तित्तिरं वा वट्टगं वा चडगं वा लावगं वा कवोयगं वा कविं वा कविंजलं वा विधित्ता भवइ, इह खलु से अण्णस्स अट्ठाए अण्णं फुसइ अकम्हादण्डे / से जहाणामए केइ पुरिसे सालीणि वा वीहीणि वा कोद्दवाणि वा कंगूणि वा परगाणि वा रालाणि वा णिलिज्जमाणे अण्णयरस्स तणस्स वहाए सत्थं णिसिरेना, से सामगं तणगं कुमुदुगं वीहीऊसियं कलेसुयं तणं छिंदिस्सामि त्ति कटु सालिं वा वीहिं वा कोहवं वा कंगं वा परगं वा रालयं वा छिंदित्ता भवइ / इति खलु से अण्णस्स अट्ठाए अण्णं फुसइ अकम्हादण्डे / एवं खलु तस्स तप्पत्तियं सावजं आहिज्जइ। चउत्थे दण्डसमादाणे अकम्हादण्डवत्तिए आहिए // 5 // अहावरे पंचमे दण्डसमादाणे दिट्ठिविपरियासियादण्डवत्तिए त्ति आहिज्जइ / से जहाणामए-केइ पुरिसे माईहिं वा पिईहिं वा भाईहिं वा भगिणीहिं वा भज्जाहिं वा पुत्तेहिं वा धूयाहिं वा सुहाहिं वा सद्धिं संवसमाणे मित्त अमित्तमेव मण्णमाणे भित्ते हयपुव्वे भवइ दिद्विविपरियासियादण्डे / से जंहाणामए-केइ पुरिसे गामघायंसि वा 'णगरघायंसि वा खेडघायंसि कब्बडघायंसि मडंबघायंसि वा दोणमुहघायंसि वा पट्टणघायंसि वा आसमघायंसि वा संणिवेसघायंसि वा णिग्गमघायंसि वा रायहाणिघायंसि वा अतेणं तेणमिति मण्णमाणे अतेणे हयपुग्वे भवइ दिद्विविपरियासियादण्डे / एवं खलु तस्स तप्पत्तियं सावजं ति आहिजइ / पंचमे दण्डसमादाणे दिद्विविपरियासियादण्डवत्तिए त्ति आहिए // 6 // अहावरे छठे किरियट्ठाणे मोसावत्तिए त्ति आहिज्जइ / से जहाणामए-केइ पुरिसे आयहेउं वा णाइहेउं वा अगारहेउं वा परिवारहेउँ वा सयमेव मुसं वयइ अण्णेण वि मुसं वाएइ मुसं वयंतं पि अण्णं समणुजाणइ, एवं खलु तस्स तप्पत्तियं सावजं ति आहिज्जइ। छठे किरियट्ठाणे मोसावत्तिए
