________________ सूयगडो सु. 2 अ. 2 155 अणुदिसं वा पडिवण्णे धम्म आइक्खे विभए किट्टे उवट्ठिएसु वा अणुवट्ठिएसु वा सुस्सूसमाणेसु पवेयए, संतिविरइं उवसमं णिव्वाणं सोयवियं अजवियं मद्दवियं 'लाघवियं अणइवाइयं सव्वेसिं पाणाणं सव्वेसिं भूयाणं जाव सत्ताणं अणुवाई किट्टए धम्मं / से भिक्खू धम्मं किट्टमाणे णो अण्णस्स हेडं धम्ममाइक्खेज्जा, णो पाणस्स हीउं धम्ममाइक्खेजा, णो वत्थस्स हेडं, धम्ममाइक्खेज्जा, णो लेणस्स हे धम्ममाइक्खेज्जा, णो सयणस्स हेउं धम्ममाइक्खेजा, णो अण्णेसिं विरूवरूवाणं कामभोगाणं हेउं धम्ममाइक्खेज्जा, अगिलाए धम्ममाइक्खेज्जा, णण्णत्थ कम्मणिज्जरवाए धम्ममाइक्खेज्जा / इह खलु तस्स भिक्खुस्स अंतिए धम्मं सोचा णिसम्म उट्ठाणेणं उट्ठाय वीरा अस्सिं धम्मे समुढ़िया / जे तस्स भिक्खुस्स अंतिए धम्मं सोचा णिसम्म सम्म उहाणेणं उट्ठाय वीरा अस्सिं धम्मे समुट्ठिया ते एवं सव्वोवगया ते एवं सव्वोवरया ते एवं सब्बोवसंता ते एवं संवत्ताए परिणिव्वुडे त्ति बेमि / एवं से भिक्खू धम्मट्ठी धम्मविऊ णियागपडिवण्णे से जहेयं बुइयं अदुवा पत्ते पउमवरपोण्डरीयं, अदुवा अपत्ते पउमवरपोण्डरीयं, एवं से भिक्खू परिण्णायकम्मे परिणाय संगे परिण्णायगेहवासे उवसंते समिए सहिए सयाजए / सेयं वयणिज्जे तं जहासमणे त्ति वा माहणे त्ति वा खंते त्ति वा दंते त्ति वा गुत्ते त्ति वा मुत्ते त्ति वा इसि त्ति वा मुणि त्ति वा कइ त्ति वा विउ त्ति वा भिक्खू त्ति वा लूहे त्ति वा तीरहि त्ति वा चरणकरणपारविउ त्ति बेमि // 15 // // किरियाठाण णाम बीअं अज्झयणं // सुयं मे आउसं ! तेणं भगवया एवमक्खायं / इह खलु किरियाठाणे णामज्झयणे पण्णत्ते, तस्स णं अयमढे। इह खलु संजूहेणं दुवे ठाणे एवमाहिति / तं जहा। धम्मे चेव अधम्मे चेव उवसंते चेव अणुवसंते चेव / तत्थ णं जे से पढमस्स ठाणस्स अहम्मपक्खस्स विभंगे तस्स णं अयमढे पण्णत्ते / इइ खलु पाईणं वा 6 संतेगइया मणुस्सा भवंति / तं जहा-आरिया वेगे आणारिया वेगे उच्चागोया वेगे णीयागोया वेगे कायमंता वेगे हस्समंता वेगे सुवण्णा वेगे दुव्वण्णा वेगे सुरूवा वेगे दुरूवा वेगे / तेसिं च णं इमं एयारूवं दण्डसमादाणं संपेहाए / तं जहा--णेरइ. ऐसु वा तिरिक्खजोणिएसु वा मणुस्सेसु वा देवेसु वा जे यावण्णे तहप्पगारा पाणा. विण्णू वेवणं वियंति // तेसिं पि य णं इमाइं तेरस किरियाठाणाइं भवंतीतिमक्खायं /
