________________ 154 अंग-पविट्ठ सुत्ताणि णो धूवणे णो तं परिआविएज्जा // से भिक्खू अकिरिए अलूसए अकोहे अमाणे अमाए अलोहे उवसंते परिणिबुडे णो आसंसं पुरओ करेज्जा इमेण मे दिखूण वा सुएण वा मए ण वा विण्णाएण वा इमेण वा सुचरियतवणियमबम्भचेरवासेण इमेण वा जायामायावृत्तिएणं धम्मेणं इओ चुए पेच्चा देवे सिया कामभोगाण वसवत्ती सिद्धे वा अदुक्खमसुभे एत्थ वि सिया एत्थ वि णो सिया / से भिक्खू सद्देहि अमुच्छिए रूवेहिं अमुच्छिए गंधेहिं अमुच्छिए रसेहिं अमुच्छिए फासेहिं अमुच्छिए विरए कोहाओ माणाओ मायाओ लोभाओ पेज्जाओ दोसाओ कलहाओ अब्भक्खाणाओ पेसुण्णाओ परपरिवायाओ अरइरईओ मायामोसाओ मिच्छादसणसल्लाओ इति से महओ आया णाओ उवसंते उवढ़िएं पडिविरए से भिक्खू / जे इमे तसथावरा पाणा भवंति ते णो सयं समारम्भइ णो वण्णेहिं समारम्भावेइ अण्णे समारम्भंते वि ण समगुजाणइ इति से महओ आयाणाओ उवसंते उवट्ठिए पडि विरए से भिक्खू जे इमे कामभोगा सचित्ता वा अचित्ता वा ते णो सयं परिगिण्हंति णो अण्णेणं परिगिण्हावेंति अण्णं परिगिण्हंतपि ण समणुजाणंति इति से महओ आयाणाओ उवसंते उवट्ठिए पडिविरओ से भिक्खू / जं पि य इमं संपराइयं कम्म किज्जइ, णो तं सयं करेइ णो अण्णाणं कारवेइ अण्णं पि करेंतं ण समणुजाणइ, इति से महओ आयाणाओ उवसंते उवट्ठिए पडिविरए / से भिक्खू जाणेज्जा असणं वा 4 अस्सि पडियाए एगं साहम्मियं समुद्दिस्स पाणाई भूयाई जीवाई सत्ताई समारम्भ समुद्दिस्स कीयं पामिचं अच्छिज्जं अणिसढे अभिहडं आहटुद्देसियं तं चेइयं सिया तं णो सयं भुंजइ णो अण्णेणं भुंजावेइ अण्णं पि भुंजंतं ण समणुजाणइ, इति से महओ आयाणाओ उवसंते उवढ़िए पडिविरए / से भिक्खू अह पुण एवं जाणेज्जा तं विजइ तेसिं परक्कमे / (जस्सट्टा ते वेइयं सिया तंजहा अप्पणो पुत्ताइ. णट्ठाए जाव आएसाए पुढो पहेणाए सामासाए पायरासाए संणिहिसंणिचओ किजइ इह एएसिं माणवाणं भोयणाए) तत्थ भिक्खू परकडं परणिठियमुग्गमुप्पाय सणासुद्धं सत्थाईयं सत्थपरिणामियं अविहिंसियं एसियं वेसियं सामुदाणियं पत्तमसणं कारणट्ठा पमाणजुत्तं अक्खोवंजणवणलेवणभूयं संजमजायामायावत्तियं बिलमिव पण्णगभूएणं अप्पाणेणं आहारं आहारेज्जा अण्णं अण्णकाले पाणं पाणकाले वत्थं वत्थकाले लेणं लेणकाले सयणं सयणकाले। से भिक्खू मायण्णे अण्णयरं दिसं
