________________ सूयगडो सु. 2 अ. 1 153 पाणा ते सयं समारभंति अण्णेण वि समारम्भावेंति अण्णं पि समारभंत समणुजाणंति / इह खलु गारत्था सारम्भा सपरिग्गहा, संतेगइया, समणा माहणा वि सारम्भा सपरिग्गहा, जे इमे कामभोगा सचित्ता वा अचित्ता वा ते सयं परिगिण्हंति अण्णेण वि परिगिण्हावेंति अण्णं पि परिगिण्हतं समणुजाणंति / इह खलु गारत्था सारम्भा सपरिग्गहा, संतेगइया समणा माहणा वि सारम्भा सपरिग्गहा, अहं खलु अणारम्भे अपरिग्गहे, जे खलु गारत्था सारम्भा सपरिग्गहा, संतेगइया समणा माहणा वि सारम्भा सपरिग्गहा, एए सिं चेव णिस्साए बम्भचेरवासं वसिस्सामो / कस्स णं तं हेउं ? जहा पुत्वं तहा अवरं जहा अवरं तहा पुव्वं, अंजू एए अणुवरया अणुवट्ठिया पुणरवि तारिसगा चेव / जे खलु गारत्था सारम्भा सपरिग्गहा, संतेगइया समणा माहणा वि सारम्भा सपरिग्गहा, दुहओ पावाई कुव्वंति इति संखाए दोहि वि अंतेहिं अदिस्समाणो इति भिक्खू रीएज्जा / से बेमि पाईणं वा 6 जाव एवं से परिण्णायकम्मे, एवं से ववेयकम्मे, एवं से विअंतकारए भवइ त्ति मक्खायं / / 14 // तत्थ खलु भंगवया छज्जीवणिकायहेऊ पण्णत्ता / तं जहा—पुढवीकाए जाव तसकाए / से जहाणामए-मम असायं दण्डेण वा मुट्ठीण वा लेलूण वा कवालेण वा आउट्टिजमाणस्स वा हम्ममाणस्स वा तजिजमाणस्स वा ताडिज्जमाणस्स वा परियाविज्जमाणस्स वा किलामिज्जमाणस्स वा उद्दविजमाणस्स वा जाव लोमुक्खणणमायमवि हिंसाकारगं दुक्खं भयं पडिसंवेदेमि, इच्चेवं जाण सव्वे जीवा सव्वे भूया सव्वे पाणा सव्वे सत्ता दण्डेण वा जाव कवालेण वा आउट्टिजमाणा वा हम्ममाणा वा तजिजमाणा वा ताडिजमाणा वा परियाविजमाणा वा किलामिज्जमाणा वा उद्दविजमाणा वा जाव लोमुक्खणणमायमवि हिंसाकारगं दुक्खं भयं पडिसंवेदेति / एवं णचा सव्वे पाणा जाव सत्ता ण हंतव्वा ण अन्जावेयव्वा ण परिघेयव्वा ण परितावेयव्वा ण उद्दवेयव्वा। से बेमि जे य अईया जे य पडुप्पण्णा जे य आगमिस्सा अरिहंता भगवंता सव्वे ते एवमाइक्खंति एवं भासंति एवं पण्णवेंति एवं परूवेंति सव्वे पाणा जाव सत्ता ण हंतव्वा ण परिघेयव्वा ण अब्जावेयव्वा ण परितावेयव्वा ण उद्दवेयव्वा / एस धम्मे धुवे णीइए सासए समिच्च लोगं खेयण्णेहिं पवेइए / एवं से भिक्खू विरए पाणाईवायाओ जाव विरए परिग्गहाओ णो दंतपक्खालणेणं दंते पक्खालेज्जा णो अंजणं णो वमणं
