________________ ___ सूयगडो सु. 2 अ.१ 151 छंदा णाणासीला णाणादिट्ठी णामारुई णाणारम्भा गाणाअज्झवसाणसंजुत्ता पहीणपुन्वसंजोगा आरियं मग्गं असंपत्ता इइ ते णो हव्वाए णो पाराए अंतरा कामभोगेसु विसण्णा // 12 // से बेमि पाईणं वा 6 संतेगइया मणुस्सा भवंति / तं जहाआरिया वेगे अणारिया वेगे उच्चागोया वेगे णीयागोया वेगे कायमंता वेगे हस्समंता वेगे सुवण्णाा वेगे दुवण्णा वेगे सुरूवा वेगे दुरूवा वेगे / तेसिं च णं खेत्तवत्थूणि परिग्गहियाणि भवंति, तं जहा अप्पयरो वा भुज्जयरो वा / तेसिं च णं जणजाणवयाइं परिग्गहियाई भवंति, ते जहा अप्पयरा वा भुज्जयरा वा: तहप्पगारेहिं कुलेहिं आगम्म अभिभूय एगे मिक्खायरियाए समुट्ठिया / सओ वा वि एगे णायओ (अणायओ) य उवगरणं च विप्पजहाय भिक्खायरियाए समुट्ठिया / असओ वा वि एगे णायओ (अणायओ) य उवगरणं च विप्पजहाय भिक्खायरियाए समुट्ठिया / [जे ते सओ वा असओ वा गायओ य अणायओ य उवगरणं च विप्पजहाय भिक्खायरियाए समुट्ठिया ] पुष्वमेवं तेहिं णायं भवइ / तं जहाइह खलु पुरिसे अण्णमण्णं ममट्ठाए एवं विप्पडिवेदेति / तं जहा--खेत्तं मे वत्थू मे हिरणं मे सुवण्णं मे धणं मे.धणं मे कैसं मे दूसं में विपुलधणकणगरयणमणिमोत्तियसंखसिलप्पवालरत्तरयणसंतसारसावएयं मे। सहा मे रूवा मे गंधा मे रसा मे फासा मे / एए खलु मे कामभोगा अहमवि एएसिं / से मेहावी पुष्वामेव अप्पणो एवं समभिजाणेज्जा / तं जहा-इह खलु मम अण्णयरे दुक्खे रोयायंके समुप्पज्जेज्जा अणिटे अकंते अप्पिए असुमे अमणुण्णे अमणामे दुक्खे णो सुहे। से हंता भयंतारो! कामभोगाई मम अण्णयरं दुक्खं रोवायंक परियाइयह अणि8 अकंतं अप्पियं असुभं अमणुण्णं अमणामं दुक्खं णो सुहं / ताऽहं दुक्खामि वा सोयामि वा जूरामि वा तिप्पामि वा पीडामि वा परितप्पामि वा इमाओ मे अण्णयराओ दुक्खाओ रोयायंकाओ पडिमोयह अणिट्ठाओ अकंलाओ अप्पियाओ असुभाओ अमणुण्णाओ अमणामाओ दुक्खाओ णो सुहाओ। एवमेव णो लद्धपुव्वं भवइ / इह खलु कामभोगा णो ताणाए वा णो सरणाए वा / पुरिसे वा एगया पुट्विं कामभोगे विप्पजहइ, कामभोगा वा एगया पुब्धि पुरिसं विष्पजहंति। अण्णे खलु कामभोगा अण्णो अहमंसि / से किमंग पुण वयं अण्णमण्णेहिं कामभोगेहिं मुच्छामो ? इइ संखाए णं वयं च कामभोगेहिं विप्पजहिस्सामो / से मेहावी जाणेज्जा बहिरंगमेयं इणमेव उवणीययरागं / तं जहा
