________________ 150 अंग-पविट्ठ सुत्ताणि जहा-आयारो सूयगडो जाव दिट्ठिवाओ, सबमेवं मिच्छा, ण एयं तहियं ण एयं आहातहियं, इमं सचं इमं तहियं इमं आहातहियं / ते एवं सण्णं कुब्वंति, ते एवं सणं संठवेंति, ते एवं सण्णं सोवठ्ठवयंति / तमेवं ते तज्जाइयं दुक्खं गाइउटुंति सउणी पंजरं जहा / ते णो एवं विप्प डिवेदेति तं जहा-किरिया इ वा जाव अणिरए इ वा, एवामेव ते विरूवरूवेहिं कम्मसमारम्भेहिं विरूवरूवाई कामभोगाई समारम्भंति भोयणाए / एवामेव ते अणारिया विप्पडिवण्णा एवं सद्दहमाणा जाव इइ ते णो हवाए णो पाराए, अंतरा कामभोगेसु विसण्णे त्ति, तच्चे पुरिसजाए ईसरकारणिए त्ति आहिए // 11 // अहावरे चउत्थे पुरिसजाए णियइवाइए त्ति आहिज्जइ / इह खलु पाईणं वा 6 तहेव जाव सेणावइपुत्ता वा / तेसिं च णं एगइए सड्ढी भवइ, कामं तं समणा य माहणा य संपहारिंसु गमणाए जाव मए एस धम्मे सुअक्खाए सुपण्णत्ते भवइ / इह खलु दुवे पुरिसा भवंति-एगे पुरिसे किरियमाइक्खइ एगे पुरिसे णोकिरियमाइक्खइ / जे य पुरिसे किरियमाइक्खइ जे य पुरिसे णोकिरियमाइक्खइ दो वि ते पुरिसा तुल्ला एगट्ठा कारणमावण्णा / वाले पुण एवं विप्पडिवेदेति कारणमावण्णे-अहमंसि दुक्खामि वा सोयामि वा जूरामि वा तिप्पामि वा पीडामि वा परितप्पामि वा अहमेयमकासि, परो वा जं दुक्खइ वा सोयइ वा जूाइ वा तिप्पइ वा पीडइ वा परितप्पइ वा परो एवमकासि / एवं से वाले सकारणं वा परकारणं वा एवं विप्पडिवेदेति कारणमावण्णे / मेहावी पुण एवं विप्पडिवेदेति कारणमावण्णे-अहमंसि दुक्खामि वा सोयामि वा जूरामि वा तिप्पामि वा पीडामि वा परितप्पामि वा, णो अहं एवमकासि / परो वा जं दुक्खइ वा जाव परितप्पइ वा जो परो एवमकासि, एवं से मेहावी सकारणं वा परकारणं वा एवं विप्पडिवेदेति कारणमावण्णे / से बेमि पाईणं वा 6 जे तसथावरा पाणा ते एवं संधायमागच्छंति ते एवं विप्परियासमावब्बति ते एवं विवेगमागच्छंति ते एवं विहाणमागच्छंति ते एवं संगइयंति उवेहाए / णो एवं विप्पडिवेदेति, तं जहा-किरिया इ वा जाव णिरए इ वा अणिरए इ वा / एवं ते विरूवरूवेहिं कम्मसमारम्भेहिं विरूवरूवाइं कामभोगाई समारभंति भोयणाए / एवमेव ते अणारिया विप्पडिवण्णा तं सद्दहमाणा जाव इइ ते णो हव्वाए णो पाराए अंतरा कामभोगेसु विसण्णा / चउत्थे पुरिसजाए णियइवाइए त्ति आहिए। इच्चेए चत्तारि पुरिसजाया णाणापण्णा णाणा
